Абылай хан даңғылы (Алматы)

Абылайхан даңғылындағы Абылайхан ескерткіші

Абылай хан даңғылы - Алматы қаласындағы орталық көшелердің бірі. Даңғыл қаланың Алмалы және Жетісу аудандарында орналасқан. Ол солтүстіктен оңтүстікке қарай Райымбек батыр даңғылынан төменірек орналасқан Алматы-2 теміржол бекетінен басталып Абай даңғылында орналасқан Ұлттық кітапхана ғимаратына барып тіреледі. Даңғылдың ұзындығы - 4200 метр. Алматы қаласы әкімінің 23.10.1991 күнгі № 15/398 шешімімен даңғылға қазақтың ұлы ханы, мемлекет қайраткері Абылай ханның есімі берілген. Даңғыл екі бағытты жол болып есептеледі.

Абылай хан даңғылы келесі көшелерді қиып өтеді:

Жамбыл, Бөгенбай батыр, Төле би, Қазыбек би, Айтеке би,

Гоголь, Мақатаев, Мәметова, Райымбек

Тарихы

Көшенің бұрынғы атаулары:

• Старокладбищенская;
• Вокзал;
• Сталин;
• Коммунистік проспектісі.

Ескерткіштер

Абылай хан даңғылы қаланың орталығында орналасқандықтан оның бойында көптеген өнер ордалары және архитектуралық ескерткіш ретінде танылған ғимараттар орналасқан.

Тарихи ғимараттар

1. Ғ.Мүсірепов атындағы Қазақ мемлекеттік академиялық балалар мен жасөспірімдер театры (1950 жылы Сәулетшілер: А.Леппик, Н.Рипинский, В.Кацев, Б.Тютин);
2. Балалар әлемі
3. Қазақстан Жазушылар Одағының үйі (1956 жылы Сәулетші: А.Леппик);
4. Құрманғазы атындағы Қазақ Ұлттық консерваториясы.
5. Қазақ ССР Жоғары кеңесінің ғимараты (Қазақ-британ техникалық университеті)
6. Орталық әмбебап дүкен (Заңғар сауда үйі)
7. Столичный дүкені
8. Ю.Лермонтов атындағы орыс драма театры
9. Қазақстан Республикасының Ұлттық кітапханасы
10. Парк

Ескерткіштер:

1. Абылай хан ескерткіші (Мүсінші:С.Баймағамбетов, С.Ералиев, 2000 жылы);
2. Амангелді Иманов ескерткіші (1947 жылы Мүсінші: Х.Б. Сарыджа) орнатылған.