Айтбай Назарбеков

Айтбай Назарбеков (5.6.1922, Жамбыл облысы, Сарысу ауданы Байқадам ауылы – 29.3.1993, Алматы қ.) – қоғам қайраткері. Қапланбек ауыл шаруашылық техникумын (1941), Алматы Жоғары партия мектебін (1956) бітірген. 1941 – 45 ж. 2-дүниежүзілік соғысқа қатысты. 1946 – 56 ж. Сарысу ауд. атқару к-тінің хатшысы, 1956 – 61 ж. Жамбыл ауданы атқару комитетінің төрағасы, 1961 – 63 ж. Көктерек ауданы партия комитетінің бірінші хатшысы, 1963 – 65 ж. Шу ауданы атқару комитетінің төрағасы, 1965 – 83 ж. Мойынқұм ауданы партия комитетінің бірінші хатшысы. Ол Мойынқұм ауданын басқарған жылдары қаракөл қойының саны мейлінше көбейіп, жүгеріден, бау-бақша мен көкөніс түрлерінен аса жоғары өнімдер алуға қол жетісті. Ол 8 – 9 шақырылған Қазақ КСР Жоғарғы Кеңесінің депутаты болып сайланды. "Ленин", "Еңбек Қызыл Ту", "Қызыл Ту" орденімен, медальдармен, Қазақ КСР Жоғарғы Кеңесінің Құрмет грамотасымен марапатталған.