Шөгінділер

Физикалық, химиялық және биологиялық процестер нәтижесінде түзілген, алайда келешек процестер әсерінен өзгере отырып, шын мәніндегі таужыныстарға айналып үлгермеген, яғни қазіргі түзілім алабының беткі жазықтығын ғана көмкерген минералдық өнімдер. Шөгінділер түзілуінің негізгі аймағы су алаптарының түбі бола түрса да, олар жел мен мұз күші әсерінен, немесе морылу процестері нәтижесінде босаңсыған түйірлердің өзге де күштер әсерінен (мәселен, ауырлық күші) тасымалдануы нәтижесінде қүрлық беттерінде де қалыптаса алады. Көне түзілімдер қүрамына кіретін, көп өзгерістерге үшырай қоймаған кейбір шөгінділер (мәселен, құмдар, саздар, т.б.) таужыныс деп есептелуі тиіс. Таужыныстарды (тіпті олардың бір-бірімен жымдасып үлгермеген яки тастақғанбаған үлгілерін де) "шөгінді" деп атауға болмайды. Қазіргі шөгінділер көпшілігінің көне баламалары бар, мұның өзі оларды сәйкестіре зерттеуге, сөйтіп өткен кезеңдер мен дәуірлердің фациялық ерекшеліктерін нақтылауға мүмкіндік береді.