Арнайы тазарту орны

Арнайы тазарту орны (АТО) — әскери техниканы, қару-жарақты, көлікті және т.б. материалдық құралдарды газсыздандыру, дезактивациялау мен дезинфекциялау, сонымен қатар ядролык, зақым ошақтары мен радиоактивті, химиялық, биологиялык зақымдану алқаптарынан кәшірілген, иесіз калған әскери мүліктерді арнайы өндеу жүргізілетін аудандардың бір элементі.

Олар ұрыс қимылдарына дайындалу және жүргізу барысында штаттык радиациялық және химиялық қорғаныс взводтары мен роталарының немесе арнайы бөлінген ұрыс бөлімшелерінің күшімен зақымданған ауданнан тыс жерлерде алдын ала, ал басқа жағдайларда өңдеуді қажет ететін әскерлердің орналасқан аудандарында жайғасады.

Жою әшақтарынан (зақымдану алқаптарынан) шығарылған, иесіз калған әскери мүліктерді арнайы өңдеу үшін Арнайы тазарту орны көшіру бағыты мен қираған машиналарды жинау пунктеріне жақын орналастырылады.

Арнайы тазарту орнында бақылау-үлестіру посты, сонымен катар қару-жарақ пен техниканы арнайы өңдеу, кайта тазарту, теріні қорғаудың жеке кұралдарын өңдеу, санитариялық өндеу алақдары, тазартудың толықтығын бақылау постылары жабдықталып, байланыспен қамтамасыз етіледі. Күштері мен құралдарын қолдана отырып Арнайы тазарту орнын орналастырушы бөлімшенің командирі арнайы еңдеуден өтетін бөлімшенің командирі орналаскан басқару пунктінде жайғасады.

Арнайы тазарту орнының аландары, сонымен қатар олардың өзара бағыттары "таза" және "лас" болып бөлінеді. Жеке құрам, техника мен қару- жарақ өндеуге дейін "лас" бөлігінде, ал өңдеуден өткен соң "таза" бөлігінде орналасады. Арнайы тазарту орнының инженерлік жабдықтау құрамына:

• су көздеріне апаратын жолдарды,
• ақпалы арыктарды,
• сорғы құдықтарын,
• тазарту аудандары арасындағы қәзғалыс жолдарын,
• жеке құрам үшін атыс ұялары мен орлар дайындау,
• бүркемелеуші экрандарды,
• су алатын скважиналарды жабдықтау кіреді.