Асқар Әлібекұлы Есіркегенов

Асқар Әлібекұлы Есіркегенов - «Қазақтелеком» АҚ бас коммерциялық директоры 1965 жылы 4 шілдеде Ақтөбе қаласында туған. Қазақ. Әкесі - Есіркегенов Әлібек Сағымбайұлы, зейнеткер. Анасы - Жұмағапиева Мәриям, зейнеткер. Еңбек Қызыл Ту орденді Мәскеу электротехникалық байланыс институтының радиобайланыс және радио хабарларын тарату факультетін (1987) «Радиобайланыс және радио хабарларын тарату»; Халықаралық бизнес академиясын (Алматы қ., 2004) «Корпоративтік менеджмент», ікерлік әкімшіліктік басқару магистрі мамандықтары бойынша бітірген. 3 куәліктің және 11 ғылыми жарияланымның авторы. Қазақ, орыс және ағылшын (сөздікпен) тілдерін біледі. 1995 жылдан - Халықаралық қалааралық телефон стансасының бас маманы, президенттің көмекшісі; 1996 жылдан - бас директорының бірінші орынбасары; 1997 жылдан - «Алматытелеком» МТО Корпоративтік клиенттермен жұмыс орталығы бас директорының орынбасары - сатылымдар жөніндегі директоры; атқарушы директоры - бастығы; 2000 жылдан - «Қазақтелеком» ААҚ корпоративтік сатылымдар дирекциясының бас директоры; 2004 жылдан - Модернизация және даму департаментінің директоры; 2005 жылдан - техникалық дамыту жөніндегі атқарушы директоры - Модернизация және даму департаментінің директоры. 2007 жылдың наурызынан бері - «Қазақтелеком» АҚ бас коммерциялық директоры. «Қазақстан Конституциясына 10 жыл» (2005) медалімен, «Қазақтелеком» АҚ «Істі шығармашылықпен атқарғаны үшін» номинациясында «Жылдың үздік қызметкері» корпоративтік жүлдесімен (2005) марапатталған.