Атырау қазақ-түрік лицейі

Уикипедия — ашық энциклопедиясынан алынған мәлімет
Jump to navigation Jump to search

Атырау облыстық дарынды балаларға арналған интернаттық мекемесі бар қазақ-түрік лицейі

Мазмұны

І. Лицейдің қысқаша тарихы[өңдеу]

1. Мекеме атауы[өңдеу]

Атырау облысы әкімінің 1993 жыл 6 тамыздағы № 237 шешімімен құрылған «Атырау облыстық қазақ-түрік лицейі» мемлекеттік мекемесі атауы Атырау облыстық әкімиятының 2004 жыл 18 қазандағы № 200 қаулысымен «Атырау облыстық дарынды балаларға арналған интернаттық мекемесі бар қазақ-түрік лицейі» мемлекеттік мекемесі болып өзгертілген.


Мемлекеттік Лицензия № 0001138, берілген күні: 30.12.2005ж.


Мекен жайы: Қазақстан Республикасы, 060007 Атырау облысы, Атырау қаласы,

Ж.Досмұхамбетов көшесі, 10 үй,

Байланыс телефоны: 8 7122-32-85-54, факс: 8 7122-32-90-72.

2. Лицейдің даму бағдарламасы[өңдеу]

Лицейдің 2012-2016 жылдарға арналған стратегиялық жоспары дайындалып, 2011 жылдың 1 желтоқсанында бекітілген. Жоспарда лицейге тұрақты әлеуметтік-экономикалық өсуді қамтамасыз ететін білім саласындағы мемлекетті саясатты қалыптастыру және іске асыру міндеті қойылып, жоғары білімді бәсекеге қабілетті интеллектуалды ұлт өкілдерін қалыптастыру пайымы көрсетілген. Сонымен қатар ағымдағы жай-күйді талдау; лицейдің стратегиялық бағыттары, даму мақсаттары және түйінді нысаналы индикаторлары; функционалдық мүмкіндіктері, ведомствалық іс-қимылдар; ықтимал қатерлер, бюджеттік бағдарламалар қолға алынған.

3. Лицей тарихы[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейі 1993 жылы ашылып, содан бері заман талабына сай білім және тәрбие беруде, облыс көлеміндегі жоғары жетістіктерге жетіп жүрген іргелі оқу орнына айналып отыр.


Лицейге 6-сыныпты бітірген ер балалар сынақ қорытындысымен қабылданады. Қазақ-түрік лицейлеріне қабылдау емтиханы сәуір айының соңғы жексенбі күні болады.


Білім берудегі басты ерекшеліктер жаратылыстану бағытындағы пәндер, яғни математика, информатика, физика, биология, химия, пәндері ағылшын тілінде оқытылады.

Білім беру барысында оқушылардың сабағы, олимпиадаға, университетке дайындықтары және тәрбиелері үнемі қадағаланып отырады.

Қазақ-түрік лицейі білім беру жүйесі 2 сатыдан тұрады: Екінші саты – жалпы негізгі білім (оқу мерзімі 3 жыл, 7-9 сыныптар), үшінші сатысы – орта жалпы білім (оқу мерзімі 2 жыл, 10-11 сыныптар).

Лицейдің оқушы саны – 240, мұғалімдер саны – 27. Оның ішінде жоғары санатты–8, І санатты– 3, ІІ санатты – 6, санаты жоқ мұғалімдер саны - 10.

4. Бағыты, оқыту тілі[өңдеу]

Лицей жаратылыстану бағыты бойынша білім береді. Оқыту тілі қазақша. Сонымен қатар қазақ тілі мен әдебиеті, Қазақстан тарихы, Қазақстан географиясы, Адам, қоғам, құқық негіздері, дүние жүзі тарихы, БӘД, дене шынықтыру, өзін-өзі тану, сызу пәндері қазақ тілінде; орыс тілі, орыс әдебиеті - орыс тілінде; ағылшын тілі, алгебра, геометрия, информатика, физика, химия, биология пәндері ағылшын тілінде; түрік тілі-түрік тілінде оқытылады.

ІІ. Лицейдің негізі нормативтік құжаттары[өңдеу]

Атырау қазақ-түрік лицейі өз қызметінде Қазақстан Республикасының Конституциясын, Қазақстан Республикасының «Білім туралы» Заңын, Қазақстан Республикасының басқа да құқықтық нормативтік актілерін, Қазақстан Республикасының халықаралық шарттарын, тиісті құзырлы органардың бұйрықтары мен нұсқауларын және Жарғысын басшылыққа алады.


Атырау облыстық дарынды балаларға арналған интернаттық мекемесі бар қазақ-түрік лицейі Қазақстан Республикасы Үкіметінің 1997 жыл 16 маусымдағы № 974 қаулысымен бекітілген, 1997 жыл 4 наурызда Қазақстан Республикасы Білім министрлігі мен Түркия Республикасы Ұлттық білім министрлігі арасындағы «Білім саласындағы ынтымақтастық туралы» хаттама негізінде және 2003 жыл 17 наурыздағы Қазақстан Республикасы Білім және ғылым министрлігі мен «KATEV» Халықаралық қоғамдық қоры арасындағы «Білім беру саласындағы ынтымақтастық туралы келісім» негізінде қызмет көрсетеді.


Облыстық білім департаменті ұсынған «Атырау облыстық қазақ-түрік лицейі туралы ережені» 1993 жылы 3 қыркүйекте Атырау облысының әкімі № 259 шешімімен бекіткен.


Облыстық қазақ-түрік лицейінің Ұлттық банкте есепшоты ашылып, мөр мен штамп дайындалған.


Қазақстан Республикасы Денсаулық сақтау және спорт министрлігінің 1999 жыл 7 тамыздағы № 350 «Қазақ-түрік лицейлері туралы ережені бекіту туралы» бұйрығы (Қазақстан Республикасы Білім және ғылым министрлігінің 2008 жыл 28 тамызда № 496 бұйрығымен өзгерістер мен толықтырулар енгізілген) бар.


2000 жылы 25 сәуірде Атырау облыстық білім басқармасымен «KATEV» Халықаралық қоғамдық қоры арасында Атырау облыстық қазақ-түрік лицейі туралы келісім шарт жасалған.


2004 жылы 26 сәуірде Атырау облыстық білім беру басқармасы мен «KATEV» Халықаралық қоғамдық қоры арасында «Атырау қаласындағы қазақ-түрік лицейінің қызметі туралы» келісім шарт жасалған.


2009 жылы 25 ақпанда Атырау облысы әкімдігі мен «KATEV» Халықаралық қоғамдық қоры арасында «Атырау облыстық дарынды балаларға арналған интернаттық мекемесі бар қазақ-түрік лицейі» мемлекеттік мекемесінің қызметі туралы № 1 келісім шарт жасалған.


Қазақстан Республикасы Президентінің 1996 жылғы 24 мамырдағы №3002 «Дарынды балаларға арналған мектептерді мемлекеттік қолдау және дамыту туралы» өкімі.


Қазақстан Республикасы Білім және ғылым министрлігінің 2013 жылғы 19 шілдедегі №289 «Мамандандырылған білім беру ұйымдарының түрлері қызметінің үлгілік қағидаларын бекіту туралы» бұйрығы.


Қазақстан Республикасы Білім және ғылым министрлігінің 2013 жылғы 7 қарашадағы №450 «Мамандандырылған білім беру ұйымдарының үлгілік оқу жоспарларын бекіту туралы» бұйрығы.


2009 жылы 30 желтоқсанда Атырау облыстық білім беру басқармасының бастығы Қайненов Қ.Қ тарапынан бекітілген «Атырау облыстық дарынды балаларға арналған интернаттық мекемесі бар қазақ-түрік лицейі» мемлекеттік мекемесінің жарғысы тіркелген.

ІІІ. Лицейдің материалдық-техникалық базасы[өңдеу]

1. Мектептің түрі[өңдеу]

Атырау облыстық қазақ-түрік лицейі - шағын жинақталған орта мектеп.


1959 жылы 324 орындық типтік жобамен салынған мектеп ғимаратында (жалпы алаңы-3400м2) орналасқан.


Лицей жанындағы интернат (жалпы алаңы 1081,1 м2) 120 кісіге есептелген.


Оқу және жатақхана ғимараты 2008 жылы «Аджип» ҚКО компаниясының әлеуметтік және инфрақұрылымдық жобалар бағдарламасы шеңберінде күрделі жөндеуден өткізілген.


2013-2014 оқу жылына дайындық актісі 2013 жылдың 30 тамызында Қазақстан Республикасы Денсаулық сақтау министрлігі Мемлекеттік санитарлық-эпидемиологиялық қадағалау комитетінің Атырау облысы бойынша департаменті Атырау қаласы бойынша мемлекеттік санитарлық-эпидемиологиялық қадағалау басқармасынан алынған.

2. Пән кабинеттері[өңдеу]

Лицейде 2 қазақ тілі, 1 орыс тілі, 3 шет тілі, 2 математика, 1 физика, 1 информатика, 1 химия, 1 биология, 1 тарих, 1 БӘД, 1 география, 1 өзін-өзі тану пәні оқу кабинеттері мен 1 информатика зертханасы, 1 химия зертханасы, 1 физика зертханасы сияқты жалпы саны 19 оқу кабинеті (жалпы көлемі 873м2) бар.


Кабинет мүлкінің дені 2008 жылғы күрделі жөндеуден кейінгі алынған, сапалы, үйлесімді, жақсы сақталған. Жарықтандыру жеткілікті, талапқа сай. 3 оқу кабинетінде ғана бормен жазатын тақта қолданылуда.


Сыныптардың барлығында интернет желісіне қосылуға жағдай жасалған. Информатика кабинетінде 27+2, информатика зертханасында 6 компьютер қолданылады.


Химия және физика зертханаларында зертханалық үстелдер қойылып, зертханалық жұмыстарға қажетті құрал-жабдықтар 90% қамтылған.

3. Лицей спорт залы[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейінің типтік спорт залы (жалпы ауданы 290,7м2) бар. Спорт зал волейбол тірегі, гимнастика брусьясы, бөренесі және арқаны, аттар, мат, стол теннисі және түрлі топтармен жабдықталған, 2 шешінетін бөлме, 2 әжетхана және 4 жуынатын кабина жұмыс істейді. 2 велотренажер, 1 жүгіру тренажеры, 2 кір тасы, 1 штангы тренажеры және 2 әмбебап тренажеры алынған. Лицей ауласында турник, брусья, сатымен жабдықталған спорт алаңы және кіші аяқ доп алаңы бар. Бассейн жоқ. Дене тәрбиесі мұғалімі Е.У.Хисимов 11 жыл еңбек өтілі бар І-санатты мұғалім. 2010 жыл 14-26 маусым аралығында Ұлттық ғылыми-практикалық дене тәрбиесі орталығында 0311 мамандығы бойынша, 2011 жыл 3-8 қазан аралығында ОКБАжҚДИ «Мектепке дейінгі орта және жоғары сыныптарда оқушылардың денсаулығын сақтау мәдениетін қалыптастыру» білім арттыру курстарынан өтіп, 2014 жылдың 26-30 наурыз аралығында «Дарын» РҒПО «Білім беруді жаңғырту жағдайындағы дене тірбиесін оқытудың әдістемесі мен мазмұнының ерекшеліктері» атты республикалық оқу-әдістемелік семинарына қатысқан. Лицейде футбол, волейбол және баскетбол үйірмелері ұйымдастырылған.

5. Лицей медицина бөлмесі[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейінде медициналық қызметпен айналысуға арналған ЛП 00320DR мемлекеттік лицензиясы бар (берілу күні 23.12.2008ж.) медпункт жұмыс істейді. Қабылдау бөлмесі, емдеу бөлмесі және изолятор бөлмесінен тұратын медпункт қажетті құрал-жабдықтармен жасақталған. Медпункттің медициналық құралдарды залалсыздандыратын ТУ 92-00243346-01-92 аппараты, ультра күлгін сәулемен емдейтін УГН МЕ-72 аппараты, дәрі сақтайтын тоңазытқыш, ауыз су қондырғысы, бой және салмақ өлшеу жабдықтары, жеке компьютер, дәрмек пен құжат сақтау шкафтары бар. Жасөспірімдер дәрігері Г.Х.Кулгалиева 28 жыл еңбек өтілі бар, 2012 жылы 4 қаңтарда «Терапия» мамандығы бойынша маман сертификатын (№016199) алған. Балалар дәрігері К.К.Айдарбекова 30 жыл еңбек өтілі бар, 2012 жылы 19 наурызда «Педиатр» мамандығы бойынша маман сертификатын (№016529) алған. Медбике М.Р.Макашева 16 жыл еңбек өтілі бар 2013 жылы 18 қазанда «Медбике ісі» мамандығы бойынша маман сертификатын алған. Оқушылар мен қызметкерлердің жыл сайын медициналық тексерулерден өтуін ұйымдастыру, жоспарлық екпе жұмыстарын жүргізу, флюорографиядан өтуді қадағалау, күнделікті ауырған балаларға алғашқы көмек көрсетіп, әрі қарайғы емдеу жұмыстарын үйлестіру, арнайы Д. есептегі балалардың сауықтыру жұмыстарын жүргізу, аурудың алдын алу мақсатында жоспарлы түрде санитарлық ағарту жұмыстарын жүргізу жолға қойылған. №2 қалалық емхана кестесіне сай қызметкерлер мен оқушылардың толық медициналық тексерістері жүргізіледі.

6. Лицей асханасы, буфет[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейінде 20 орындық буфет (45,5м2) пен қатар жақсы жабдықталған асхана (245м2) жұмыс істейді. Асханаға 2008 жылы күрделі жөндеу жұмыстары жүргізілген. Асхананың 100 орындық тамақ ішетін залы, салқын және ыстық суға қосылған арнайы қол жуу бөлмесі бар. Сонымен қатар ыстық цех, ыдыс жуатын орын, көкөніс қоймасы, ет цехы, нан кесетін орын, қойма, құрғақ тағамдар және тоңазытқыштарға арналған бөлмелері бар. Ыстық цехта 4 электр плита, 1 котел, 4 духовка, 2 ет тартушы (піскен және шикі тағамдар үшін), 2 мармит тамақ жылытқыш, ауа сорғышпен жабдықталған. Ыдыс жуатын орында 3 ұялы ванна, таза ыдыстарды сақтайтын сөрелер қойылған, ыдыс-аяқ түрі және саны жеткілікті. Штатта 1 бас аспазшы, 3 аспазшы, 3 аспазшы көмекшісі, 1 қоймашы, 1 еден жуушы қызмет көрсетеді. Келісім шарт бойынша азық-түлік тағамдарымен қамтамасыз ету туралы ЖШС «Альтаир-Атырау», КШ «Раушан» ұйымдарымен келісім-шарт жасалған. Әкелген тамақ өнімдеріне сапасы мен қауіпсіздігін растайтын құжаттар ілесе жүреді. Оқушылар диетбике тарапынан дайындалып, 2013 жылдың 9 қыркүйегінде АҚМСЭҚБ бастығы Т.С.Мұсағалиев тарапынан келісіліп 2013 жылдың 9 қыркүйегінде лицей директоры И.Эльма тарапынан бекітілген 10 күндік ас мәзіріне сай күніне 4 мезгіл тамақпен қамтылған.

7. Компьютерлік техника[өңдеу]

Лицейде 2003 жылы 3, 2005 жылы 11, 2007 жылы 1, 2008 жылы 58, 2010 жылы 4, 2011 жылы 11, 2012 жылы 2, 2013 жылы 41; жалпы саны- 131 компьютер қондырылған. Мұның 44 данасы жергілікті бюджеттен, 5 данасы республикалық бюджеттен, 82 данасы демеушілік қаражатпен алынған. ауыстыруды талап ететін компьютерлік техниканың саны 34 дана (2003-3 дана, 2005-11 дана, 2013-20 дана). Информатика кабинетінде (27+2), информатика зертханасында 6 компьютер, оқу залында 5 компьютер білім алушылардың қолданысында. 1 компьютерге 7 оқушыдан келеді. Қажетті бағдарламалармен қамтылған.

8. Телекоммуникация[өңдеу]

Интернет локальдық желісіне қосылған, жылдамдығы ADSL 9 мбит/с. Кабельдік телеарна тартылған.

9. Лицейдің интернет портал беттері[өңдеу]

2013-2014 оқу жылының ІІ тоқсанынан бастап электронды журнал NetSchool енгізілген. Интернет адресі 178.91.50.150. Осы арқылы лицейдің оқу-тәрбие үрдісінен оқушы ата-анасы дер кезінде хабардар болады. Ата-ана оқушының үлгерімі, сабаққа қатысуын кез-келген уақытта қадағалай алады.


Пән мұғалімдері бағдарламаны игеру барысында Edmodo әлеуметтік желісін кеңінен қолданады.


Мұғалімдер мен білім алушылар ҚИО (Қазақстандық интернет-олимпиадасы) топтық республикалық қашықтық олимпиадаларына қатыстырылады Cdo.kz.


БТС (Білім тексеру сынағы), КБО (KATEV білім олимпиадасы), ҰБТ дайындық сынағы емтихандарын tests.katev.kz. арқылы тапсырады.


Лицейлердің пән мұғалімдері арасындағы байланыс, өзара ынтымақтастықты, әрі өзара тәжірибе алмасуды қамтамасыз ету мақсатында жекелеген пән топтары құрылған. Атырау облыстық қазақ—түрік лицейі мұғалімдері басқа қаладағы ҚТЛ мұғалімдерімен тығыз байланыс орнатқан.


www.katev.kz сайты арқылы білім саласындағы жаңалықтардан, лицейлердегі іс-шаралардан хабардар болады.

10. Түрлі терминалдар[өңдеу]

Лицейде мультимедиялық сынып жоқ. Интерактивті тақта саны 20, оның 8 данасы қысқа сәулелі жаңа буын (Smartboard), 5 данасы activboard, 7 данасы portobl (мобильді) тақта. Электронды оқу залы жоқ.

ІV. Ғылыми және оқу-әдістемелік жұмыс[өңдеу]

1. Пәндер бойынша оқу жоспары[өңдеу]

Атырау облыстық қазақ-түрік лицейінің оқу жоспары Қазақстан Республикасы Үкіметінің 2012 жылғы 23 тамыздағы №1080 қаулысымен бекітілген «Қазақстан Республикасы жалпы орта білім берудің мемлекеттік жалпыға міндетті стандарты», Қазақстан Республикасы Білім және ғылым министрлігінің 2013 жылғы 7 қарашадағы №450 бұйрығымен бекітілген Үш тілде оқытатын мамандандырылған білім беру ұйымдарындағы білім берудің үлгілік оқу жоспары (9-11 қосымша) және Қазақстан Республикасы Білім және ғылым министрлігінің Мектепке дейінгі және орта білім департаментінің директоры Ж.Жонтаева тарапынан 2013 жылы 28 тамызда бекітілген «2013-2014 оқу жылына арналған қазақ-түрік лицейлерінің оқу жоспары» негізінде дайындалған.


Қазақстан Республикасы Білім және ғылым министрлігінің 2013 жылғы 13 желтоқсандағы №02-3/2921 хаты және облыстық білім беру басқармасының 2013 жылғы 18 желтоқсандағы №4224 хаты негізінде Атырау облыстық дарынды балаларға арналған интернаттық мекемесі бар қазақ-түрік лицейінің 2013-2014 оқу жылына (ІІ жарты жылдық) арналған оқу жоспары қайта жасалған.


Атырау облыстық қазақ-түрік лицейінің оқу жоспары 5 жылға негізделген. (7-сыныптан 11-сыныпқа дейін). Лицейде оқу төрт тілде: қазақ, орыс, ағылшын, түрік тілдерінде жүргізіледі. Қазақ тілі мен әдебиеті, Қазақстан тарихы, география, Қазақстан географиясы, «Адам. Қоғам. Құқық», дүние жүзі тарихы, алғашқы әскери дайындық, дене шынықтыру, өзін-өзі тану, сызу – қазақ тілінде; орыс тілі, орыс әдебиеті - орыс тілінде; ағылшын тілі, алгебра, геометрия, информатика, физика, химия, биология, - ағылшын тілінде; түрік тілі - түрік тілінде оқытылады.


Атырау облыстық қазақ-түрік лицейінің оқу жоспарының құрылымында мыналар белгіленген: - Лицейдегі базалық білім мазмұнының өзегін көрсететін инварианттық оқу жүктемесі; - Оқушылардың мүдделігі мен қабілеттеріне сәйкес олардың жеке тұлғасын дамытуға бағытталған вариативтік оқу жүктемесі, білім беру салаларында белгіленген пәндерді оқыту (соның ішінде тереңдетіп оқытуға), жаңа оқу курстарын, факультативтерін енгізуге, дара және топтық сабақтар жүргізуге пайдаланады.


Лицейде дарынды балалармен жұмыс істелетіні ескеріле отырып, «Технология» білім беру блогының сағаттары 7-11 сыныптарда информатика және математика сабақтарына пайдаланылады.


Қазақстан Республикасы Президентінің «Қазақстанды «әлеуметтік жаңғырту бағытындағы «Жалпыға ортақ Еңбек қоғамына қарай 20 қадам» бағдарламалық мақаласында берілген тапсырмаларды орындау мақсатында әзірленіп, ҚР Білім және ғылым министрінің 2013 жылғы 3 сәуірдегі №115 бұйрығымен бекітілген «Өлкетану» (7 сынып), «Абайтану» (10-11 сынып) таңдау курстарының бағдарламалары енгізілді.


Лицейде 7-11 сынып оқушылары қазақ тілі және әдебиеті сабақтарында екі топқа: қазақ тілді мектептерден келгендер және қазақ тілді емес мектептерден келгендер бөліп оқытылады. Қазақ тілді мектептерден келген оқушылар қазақ тілі пәнін Қазақстан Республикасының жалпы орта білім беретін қазақ тілді мектептерінің мемлекеттік жалпыға міндетті білім стандарттарына сай оқиды. Ал, қазақ тілді емес мектептерден келген оқушылар «оқу орыс тілінде жүретін жалпы орта білім беретін мектептердің мемлекеттік жалпыға міндетті білім стандарттары» бойынша оқиды.


Лицейде қазақ тілі мен әдебиеті пәнін тереңдетіп оқыту үшін қазақ тілді емес мектептерден келген 9-11 сынып оқушыларына қазақ тілі пәні бойынша 1 сағат факультатив берілген.


Лицейдің алған бағытында және бағдарлы пәндерден білім беру стратегиясы мазмұнын байыту негізінде, ғылыми-зерттеушілікке және шығармашылық, өздігімен жұмыс істеуге машықтандыруды қалыптастыру және дамыту мақсатында биология пәні бойынша 7 сыныпта 1 сағат, 9 сыныпта 1 сағат, математика пәні бойынша 8,10,11 сыныптарда 1 сағат, Қазақстан тарихы пәні бойынша 10 сыныпта 1 сағат, 11 сыныпта 1 сағат шығармашылық пен зерттеушілік қызметі негіздері сағаттары берілді.


Лицей бойынша тереңдетіп оқыту үшін бөлінген жылдық 1500 сағаттан ағылшын тілі пәні бойынша 7,8 сыныптарда аптасына 1 сағат, түрік тілі пәні бойынша 7-10 сыныптарда аптасына 2 сағат, 11 сыныпта 1 сағат бөлінді.

2. Пән бойынша оқу бағдарламалары[өңдеу]

Пәндердің күнтізбелік тақырыптық жоспарын әзірлеу кезінде Қазақстан Республикасы Білім және ғылым министрлігі және Ы.Алтынсарин атындағы Ұлттық білім академиясы тарапынан дайындалған (ҚР Бжғм 2013 жыл 3 сәуір №115 бұйрық) дайындаған Жалпы білім беретін 5-9 сыныптарына арналған және 10-11 сынып жаратылыстану – математикалық бағыт пәндерінің оқу бағдарламалары, Қазақстан Республикасы Білім және ғылым министрлігі Ы.Алтынсарин атындағы Ұлттық білім академиясы «2013-2014 оқу жылында Қазақстан Республикасының жалпы орта білім беретін ұйымдарында ғылым негіздерін оқытудың ерекшеліктері туралы» Әдістемелік нұсқау хаты басшылыққа алынған. Оқытылатын 2 шет тілі – түрік тілінің күнтізбелік жоспарын дайындау барысында «KATEV» ХҚҚ қазақ-түрік лицейлерінің 7-11 сыныптарға арналған түрік тілі бағдарламасы (Алматы 2009ж.) негізге алынған.

Атырау облыстық қазақ-түрік лицейінің оқу-тәрбие үрдісінде қолданылатын оқу-әдістемелік әдебиеттерді пайдалану барысында Қазақстан Республикасы Білім және ғылым министрлігінің 2013 жылғы 26 сәуірдегі №146 «Білім беру ұйымдарында 2013-2014 оқу жылында пайдалануға рұқсат етілген оқулықтардың, оқу-әдістемелік кешендердің, оқу құралдарының және басқа да қосымша әдебиеттердің, оның ішінде электрондық жеткізгіштердің тізбесін бекіту туралы» бұйрығы басшылыққа алынған.

V. Тәрбие жұмысы[өңдеу]

2013-2014 оқу жылында атқарылған іс-шаралар туралы


Атырау облыстық дарынды балаларға арналған интернаттық мекемесі бар қазақ-түрік лицейі 2013-2014 оқу жылы жылдық тәрбие жұмысының жоспары Қазақстан Республикасы Білім және ғылым Министрлігінің 2009 жыл 16 қарашадағы №521 бұйрығымен бекітіліп, «Қазақстан Республикасы Үздіксіз білім беу жүйесіндегі тәрбие тұжырымдамасы» және Атырау облысы Білім беру басқармасының бастығы Б.Ж.Сәрсенғалиев бекіткен «Атырау облысының білім беру мекемелеріндегі 2012-2015 жылдарға арналған тәрбие жұмысының кешенді бағдарламасы» негізінде жасалып, 2013 жыл 29 тамызда лицей директоры И.Эльма тарапынан бекітілген.


Сынып жетекшілері мен сынып тәрбиешілері оқушылардың жас ерекшеліктерін ескере отырып, сыныптарға бөлінген тәрбие сағат тақырыптарын және сыныптан тыс,мектептен тыс жұмыстарды (кино фильм сағаты, концерттік бағдарлама, шай сағаты, ата-ананың сыныппен кездесуі, сынып ата-ана жиналысы, оқушының отбасылық жағдайымен танысу, спорттық ойындар, тренажер залында жаттығу, пикник, елтану саяхаты, кәсіби бағдар беру, әдеби шығарма оқу сағаты, театрмен мұражайға бару, көңіл кеші, үйірмелер т.с.с.) көрсете отырып, сынып жылдық тәрбие жоспарларын дайындаған.


Лицей оқушыларының бос уақытты тиімді пайдалануын ұйымдастыру үшін 2013-2014 оқу жылында 5 үйірме жұмысы жолға қойылған. Олар: 7-9 сынып оқушыларына бағытталған «Толағай» үйірмесі (жетекшісі – Е.У.Хисимов, қатысушы саны – 15), 10-11 сынып оқушыларына бағытталған «Жас Мерген» үйірмесі (жетекшісі – К.У.Исмагулов, қатысушы саны – 15), «Press – club» үйірмесі (жетекшісі – Ж.Сүйіндікова, қатысушы саны – 5), «Білмді жастар» КВН үйірмесі (жетекшісі – Қ.Ш.Тілеуқабылов, қатысушы саны–12), «Жас Ұлан» жасөспірімдер ұйымы (жетекшісі – Д.Мақсотов, қатысушы саны–41). Үйірмелердің жылдық жоспарлары дайындалып бекітілген, үйірме мүшелері тізімі анықталған, мақсаты мен міндеттері белгіленген. Жоспар бойынша атқарылған шараларматериалдары жинақталған.


Атырау облыстық дарынды балаларға арналған интернаттық мекемесі бар қазақ-түрік лицейінде 19.00-19.50 және 20.10-21.00 аралағында оқушылардың үй жұмысын орындауына және өздік жұмыс жасауына арналған сынып тәрбиешілерінің бақылауымен этюд сағаттары қойылған. Этюдтердің дұрыс өтуін қамтамасыз ету мақсатында мұғалімдердің кешкі кезекшілігі (19.00-21.00 аралығы) ұйымдастырылған. 21.20-22.30 аралығында өткізілетін сынаптардың сабақтан тыс апталық іс-шара кестесі дайындалған. Кестеде сыныптардың апта күндеріне қарай тәрбие сағаты, спорт сағаттары, кино фильм сағаты, концерттік бағдарлама, шай сағаты, тосттер сағаты, ата-ананың сыныппен кездесуі, оқушының отбасылық жағдайымен танысу, спорттық ойындар, тренажер залында жаттығу, әдеби шығарма оқу сағаты, жалпы тазалық сағаты көрсетілген.


Қазақстан Республикасы Білім және ғылым Министрлігінің 2004 жыл 16 қараша №923 «Білім беру ұйымының қамқоршылық кеңесі қызметін ұйымдастыру туралы ережені бекіту туралы» Бұйрығын орындау мақсатында және Атырау ҚТЛ-дың оқу-тәрбие жұмысын қадағалау және жетілдіру мақсатында лицей базасында 2004 жыл 30 желтоқсанда «АҚТЛ-Достық» қоғамдық бірлестігі құрылған. Бұған сыныптардың ата-ана комитеттері тартылған. Комитет ата-ананың сыныппен кездесуін ұйымдастыруға, мамандықтарына сай келетін тәрбие сағаттарының өтілуін, сыныптың және лицейдің мерекелік кештерін атап өтуге, мерекелік кештерде сыйлықтар мен құттықтау қағаздарын дайындауға, олимпиада, ғылыми жоба, спорттық жарыс жеңімпаздарын марапаттауға тағы сол сияқты жұмыстарды ұйымдастыруға жәрдемдеседі.

Тәрбие жұмысына қойылатын талаптар[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейінің 2013-2014 оқу жылғы жылдық тәрбие жұмысының жоспары Қазақстан Республикасы Білім және ғылым Министрлігінің 2009 жыл 16 қарашадағы №521 бұйрығымен бекітіліп, «Қазақстан Республикасы Үздіксіз білім беру жүйесіндегі тәрбие тұжырымдамасы» және Атырау облысы Білім беру басқармасының бастығы Б.Ж.Сәрсенғалиев бекіткен «Атырау облысының білім беру мекемелеріндегі 2012-2015 жылдарға арналған тәрбие жұмысының кешенді бағдарламасы» негізінде жасалып, 2011 жыл 27 тамызда лицей директоры И.Эльма тарапынан бекітілді. Сынып жетекшілері мен тәрбиешілері осы тәрбие жұмысы жоспары бойынша 12 тәрбие бағытында жұмыс жасайды.


12 бағытты негізге ала отырып сынып жетекшілері мен тәрбиешілері сынып жылдық жоспарларын жасақтайды. Сынып жетекшілері мен тәрбиешілері апта сайын тәрбие сағаттарын жүргізуге тиіс. Әр сынып жетекшісі мен тәрбиешісі лицей қабырғасында болатын іс-шараларға ата-аналарды қатыстыруға ат салысады. Ондағы мақсат лицей мен ата-ана арасындағы қарым-қатынасты нығайту.


Лицейіміздің мақсатының бірі білім мен тәрбиені қатар алып жүру болғандықтан, ата-аналарды оқушылардың оқу процесі мен тәрбиесіне араластыру. Сондықтан ата-аналарды лицейімізде өтетін ашық сабақтар, тәрбие сағаттары, жиналыстар, мерекелік шаралар, дөңгелек үстелдер, салтанатты кештер, ата-аналар арасындағы спорттық жарыстарға қатыстырамыз. Әр апта сайын ата-аналар мен сынып жетекшілер арасында волейбол, теннис, кіші аяқ добынан жарыстар ұйымдастырылады.


Сол сияқты тәрбиешілеріміздің маңызды жұмыстарының бірі кешкі дайындық сабақтарын ұйымдастыру.


Кәсіби бағдар беру мақсатында тәрбиешілер бітіруші түлектермен басқа қалалардағы жоғары оқу орындарына саяхат жасайды. Саяхат барысында оқу орындарындағы мамандармен кеңесу арқылы оқушылардың кәсіби бағытын анықтайды. Жылдық жоспарда көрсетілген іс-шараларды орындау барысында, орындалған іс-шараның нәтижесі ретінде сынып жетекшілері мен тәрбиешілері хаттамалар жасақтауы тиіс.

VІ. Дарынды балаларды іріктеу және оқыту[өңдеу]

1. Мектепке қабылдау және шығару тәртібі[өңдеу]

Атырау облысы білім беру басқармасы бастығы Қ.Қ.Қайненов 2009 жылы 30 желтоқсанда бекіткен «Атырау облыстық дарынды балаларға арналған интернаттық мекемесі бар қазақ-түрік лицейі» ММ жарғысының 5.13 тармағына сай «Білімге ынта-талабы жоқ 1-2 (3) пәннен тоқсандық, жылдық бағасы қанағаттанарлықсыз болған білім алушылар педагогикалық кеңестің шешімімен аралық аттестаттауға жіберілмей сыныпта қалдырылады немесе лицейден шығарылады».


Қазақстан Республикасы Үкіметінің 2012 жылы 18 қаңтардағы №127 Қаулысымен бекітілген «Бастауыш, негізгі орта және жалпы орта білімнің жалпы білім беретін оқу бағдарламаларын іске асыратын білім беру ұйымдарына оқуға қабылдаудың үлгі қағидалары» (5-бөлім. Мамандандырылған білім беру ұйымдарына қабылдау тәртібі) және «Атырау облыстық дарынды балаларға арналған интернаттық мекемесі бар қазақ-түрік лицейі» ММ Жарғысын негізге алып, қабылдау комиссиясы құрылады. (2014 жыл 27 наурыз, бұйрық №40). 2014 жылдың 27 наурыз күні өткізілген педагогикалық кеңесте «Атырау облыстық дарынды балаларға арналған интернаттық мекемесі бар қазақ-түрік лицейі» ММ қабылдау ережесі талқыланып, лицей директоры тарапынан бекітілген.


2013 жылы лицейге 47 оқушы қабылданып, 245 оқушымен 2013-2014 оқу жылына басталған. Кеткен оқушылар саны 6, келген оқушылар саны 1. Лицейден оқушыны шығарып алу үшін ата-ана өтініш жазады. Ол негізге алынып бұйрық шығарылады. Барлық кеткен оқушылардың анықтамасы жинақталған. 10 сынып комплектісі бар.


Олар: 7-сынып-45, 8-сынып-52, 9-сынып-49, 10-сынып-47, 11-сынып-47 оқушы. Оқушылардың ұлттық құрамы: қазақ-225, орыс-3, кәріс-5, лакец-1, түрік-3, иран-1, тәжік-1, татар-1. Оқушыларды алфавиттік тіркеу кітапшасы жүргізілген. Оқушылардың жеке құжаттары нөмірі мен тіркеу кітапшасындағы нөмір сәйкес келеді.

2. Оқушылардың білім сапасын бағалау мониторингі[өңдеу]

Жылдар 2008-2009 2009-2010 2010-2011 2011-2012 2012-2013 Білім сапасы 84% 81% 85% 78% 79%


3. ДБАББҰ оқушыларының дарындылық диагностикасы[өңдеу]

Лицейде оқушылардың дарындылық диагностикасын жасау үшін «KATEV» ХҚҚ білім басқармасының ұйымдастыруымен әр тоқсан сайын KATEV білім олимпиадасы (КБО) өткізіледі. Барлық тоқсан бойынша өткізілген білім олимпиадасының нәтижесінің көрсеткіші шығарылып, ең жоғары ұпай жинаған оқушылар жылдың соңында ақтық кезең (финал) олимпиадасына қатысады. Осы оқу жылында (2013-2014) ақтық кезеңге (финал) лицей бойынша 10 оқушы жолдама алды.


4. Оқушылардың жетістіктері[өңдеу]

VІІ. Кадрмен қамтамасыз ету[өңдеу]

1. Директор:[өңдеу]

ДБАББҰ-ның қызметіне жалпы басшылық; (ДБАББҰ - Дарынды балаларға арналған білім беру ұйымы)


Атырау облыстық дарынды балаларға арналған интернаттық мекемесі бар қазақ-түрік лицейі директоры Исмаил Эльма Атырау облыстық Білім беру департаментінің 2006 жылдың 1 маусымдағы №22 бұйрығымен тағайындалған.


Нормативтік базасы: Білім және ғылым министрлігінің 2008 жылы 28 тамыздағы №496 «Қазақ-түрік лицейлері туралы Ережені бекіту туралы Қазақстан Республикасы Денсаулық сақтау, білім және спорт министрлігінің 1999 жылы 7 тамыздағы №350 Бұйрығына өзгерістер мен толықтырулар енгізу туралы» Бұйрығы: «21-тармақ, 3-тармақша Басшыларды (директорларды) тағайындау рәсімі кезінде «KATEV» ХҚҚ-ы облыстардың, Астана және Алматы қалаларының білім департаменттеріне (басқармаларына) ҚТЛ басшылары (директорлары) қызметіне тағайындау үшін кандидатура ұсынады».


«Атырау облыстық дарынды балаларға арналған интернаттық мекемесі бар қазақ-түрік лицейі» мемлекеттік мекемесінің қызметі туралы №1 келісім шарт (2009 жыл 21 ақпан): «1.4.Уәкілетті орган – Атырау облысы білім басқармасы «KATEV» ХҚҚ ұсынған директорды тағайындайды. Оған білім және тәрбие беру қызметін жүргізу жауаркершілігі Қазақстан Республикасының Заңнамасымен жүктеледі».


Білім беру бағдарламасы[өңдеу]

Лицейдің қызметін оның жарғысына және басқа да нормативтік құқықтық актілерге сәйкес басқарады. Мемлекеттік жалпыға міндетті білім беру стандартын педагогикалық және әдістемелік кеңеспен бірлесе отырып іске асыруды ұйымдастырған. Жұмыс жоспарын, бағдарламалар мен жұмыс жоспарларын бекіткен. Оқу-тәрбие процесінің ғылыми-әдістемелік және материалдық-техникалық базасын жоғары дәрежеде ұйымдастырған. Қазіргі заманғы ақпараттық технологияларды кеңінен қолданысқа енгізген. Білім беру құқығы лицензиясына сәйкес оқушылар контингентін қалыптастырған.


Оқушылардың білім алуына қажетті белгіленген мөлшерден кем емес жағдаймен қамтамасыз еткен. Оқу-тәрбие процесі кезінде білім алушылардың және білім беру ұйымы қызметкерлерінің өмір қауіпсіздігі мен денсаулығын сақтауға қажетті жағдай жасаған. Оқушыларды қорғау және олардың денсаулығын нығайту мақсатында тамақтану және медициналық қызмет көрсету жұмысын ұйымдастырған және оған бақылауды жүйелі жүргізген. Белгіленген заңнама шегінде білім беру ұйымының мүлкі мен құралдарына басшылық етеді, қаржылық және материалдық қаражаттың түсуі және жұмсалуын бақылауға алған.


Ішкі еңбек тәртібі ережесін, санитарлық-гигиеналық режимді, еңбекті қорғау және техника қауіпсіздігін сақтауға бағытталған іс-шараларды атқарған.


Педагог кадрларды және қосымша қызметшілерді іріктеуді және жұмысқа тартуды талапқа сай жүргізген. Олардың кәсіби шеберлігін арттыру үшін жағдай жасалған. Лицей директоры педагогикалық кеңесті басқарады. Қызмет барысында айрықша көзге түскен оқытушылар мен білім беру ұйымдарының қызметкерлерін өзінің құзыретіне қарай марапаттауға және көтермелеуге ұсынған, алғыс жариялаған. Ата-аналармен байланысты жүзеге асыру мақсатында «АКТЛ-Достық» қоғамдық бірлестігі атында лицей жанында қамқоршылық кеңесі құрылуына жағдай жасаған.


ДБАББҰ-да білім беру бағдарламаларын жүзеге асырылуын бақылау және ұйымдастыру;


Оқу-тәрбие үрдісі барысында қажетті бұйрықтар шығарылған, жоспарлар бекітілген. Оқу жылында аудандық жерден келген оқушылар және қаланың шалғай аудандарынан қатынайтын оқушылар контингентінен интернатта тұратын оқушы тізімін анықтау комиссиясы құрылған. Оқу кабинет жауаптылары, сынып жетекшілері, тәрбиешілері тағайындалған. Тәртіп кеңесі, мектепішілік бақылау сияқты комиссия құрамдары бекітілген.

2. Директор орынбасарлары:[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейі директорының орынбасарлары Қазақстан Республикасының заңнамаларына сәйкес лицей директоры тарапынан тағайындалады.


2013-2014 оқу жылында Атырау ҚТЛ-да 4 штат бірлігі бойынша директордың оқу ісі жөнінен орынбасары Р.М.Кусаинов (1 штат бірлігі, санаты жоғары, педагогикалық өтілі 16 жыл), директордың бейінді оқыту ісі жөнінен орынбасары Г.С.Нұрғалиева (0,5 штат бірлігі, санаты жоғары, педагогикалық өтілі 17 жыл), директордың бейінді оқыту ісі жөнінен орынбасары Р.А.Сихимбеков (0,5 штат бірлігі, санаты І, педагогикалық өтілі 5 жыл), директордың тәрбие ісі жөнінен орынбасары Э.К.Пириев (1 штат бірлігі, санаты жоғары, педагогикалық өтілі 6 жыл), жатақхана меңгерушісі Д.З.Садырбаев (1 штат бірлігі, санаты жоқ, педагогикалық өтілі 5 жыл) және директордың шаруышылық ісі жөнінен орынбасары З.Аққалиева (1 штат бірлігі, жалпы еңбек өтілі 39 жыл) тағайындалған.


Нормативтік базасы: Білім және ғылым министрлігінің 2008 жылы 28 тамыздағы №496 «Қазақ-түрік лицейлері туралы Ережені бекіту туралы Қазақстан Республикасы Денсаулық сақтау, білім және спорт министрлігінің 1999 жылы7 тамыздағы №350 Бұйрығына өзгерістер мен толықтырулар енгізу туралы» Бұйрығы: «21-тармақ, 4-тармақша директордың орынбасарлары мен педагогикалық кадрларды (мұғалімдер мен тәрбиешілер) Қазақстан Республикасының Заңнамаларына сәйкес ҚТЛ-дың директоры жұмысқа қабылдайды».


«Атырау облыстық дарынды балаларға арналған интернаттық мекемесі бар қазақ-түрік лицейі» мемлекеттік мекемесінің қызметі туралы №1 келісім шарт (2009 жыл 21 ақпан): «1.5. лицей директорының орынбасарларын лицей директоры тағайындайды».


Қазақстан Республикасы Үкіметінің 2008 жыл 30 қаңтардағы №77 «Мемлекеттік білім беру ұйымдары қызметкерлерінің үлгі штаттарын және педагог қызметкерлермен оларға теңестірілген адамдар лауазымдарының тізбесін бекіту туралы» Қаулысы.


Жекелеген пәндерді тереңдетіп оқытатын мамандандырылған мектеп-интернаттар, дарынды балаларға арналған мектеп-интернаттар және әскери мектеп-интернаттар.


Білім беру бағыты және үрдісі[өңдеу]

Лицей жаратылыстану-математикалық бағытта білім береді. 7 сыныптан бастап ағылшын тілін тереңдетіп оқытып, математика, информатика, физика, биология, химия пәндері ағылшын тілінде жүргізіледі.

2013-2014 оқу жылының І және ІІ жарты жылдық сабақ кестелері дайындалып, Атырау қалалық мемлекеттік санитарлық-эпидемиологиялық қадағалау басқармасының бастығы Т.С.Мұсағалиев тарапынан бекітілген.

Атырау облыстық дарынды балаларға арналған интернаттық мекемесі бар қазақ-түрік лицейі күн тәртібі кестесі 2013 жылдың 13 қыркүйегінде бекітілген.

І, ІІ, ІІІ, ІV тоқсан кезекші мұғалім кестесі лицей директоры тарапынан бекітілген.

Қазақстан Республикасы Білім және ғылым министрлігінің 2013 жылғы 13 желтоқсандағы №02-3/2921 хаты және облыстық білім беру басқармасының 2013 жылғы 18 желтоқсандағы №4224 хаты негізінде Атырау облыстық дарынды балаларға арналған интернаттық мекемесі бар қазақ-түрік лицейінің 2013-2014 оқу жылына (ІІ жарты жылдық) арналған оқу жоспары қайта жасақталып, 2014 жылдың 4 қаңтарында бекітілген.

2011 жылы Астана қаласында өткен «Дарындылық мәселесіне жаңаша көзқарас» халықаралық ғылыми-практикалық конференциясы материалдар жинағы лицей директоры Исмаил Эльманың «Оқу –тәрбие жұмысын технологизациялау арқылы – дарындылықты тану және дамыту жолдары» тақырыбында, орыс тілі мен әдебиеті пәні мұғалімі Сейткалиева Куралайдың «Творчество как грань одаренной личности» тақырыбындағы іс-тәжірибесі конференция материалдарына кірді.


2011 жылы лицей директорының оқу ісі жөнінен орынбасары Кусаинов Рустемнің «Атырау қазақ-түрік лицейіндегі оқытудың инновациялық әдістері» тақырыбындағы баяндамасы Назарбаев университеті ректорымен өткен облыстық деңгейдегі семинарда тыңдалды.


2012 жылы Қазақстан Республикасы Білім және ғылым министрлігі мен «KATEV» ХҚҚ бірігіп өткізген «Заманауи мектепте тәрбие жұмысын ұйымдастырудың инновациялық жолдары» тақырыбындағы сынып жетекшілеріне арналған республикалық семинарында лицейдің қазақ тілі мен әдебиеті пәні мұғалімі Сихимбеков Русланның «Рухани адамгершілік тәрбие» тақырыбындағы жұмысы тыңдалып, іс-тәжірибе жинағына енді.


Дарынды балаларға арналған жеке бағдарламалар әзірлеу[өңдеу]

2013-2014 оқу жылындағы оқу жоспарының вариативтік компоненті бойынша енгізілген «Дінтану» негіздері, «Өлкетану» таңдау курсы, «Практикалық түрік тілі» таңдау курсының жүктеме сағаты бойынша (1 сағат) жылдық бағдарламалары әзірленді.

3. Әдістемелік кеңес[өңдеу]

Лицейдің ғылыми-әдістемелік үрдісін басқару үшін ғылыми-әдістемелік кеңес құрылған.

Оның құрамына әдістемелік пән бірлестіктері жетекшілері, жас мамандар бірлестігінің жетекшісі, шығармашылық топтар жетекшілері тартылған.

Ғылыми-әдістемелік кеңестің жылдық жұмыс жоспары, кеңес отырыстарының жылдық жоспары жасақталып, әдістемелік кеңес отырыстарының хаттамалары толтырылған.


Дарынды балалармен жұмыс жоспары[өңдеу]

Лицейде әр пән бойынша дарынды балалармен жұмыс жоспары жасалған.

Сонымен қатар пәндер бойынша олимпиадаға дайындық жоспарлары, жоба бойынша оқыту (PBL) жүйесі бойынша жүргізілетін жұмыстарының жылдық жоспары жасақталған.


Әдістемелік ұсыныстар[өңдеу]

Оқушыларды ғылым негіздері бойынша олимпиадаға дайындау (қазақ-түрік лицейі іс-тәжірибесі) 2009-2010 оқу жылы Атырау облыстық кадрлар біліктілігін арттыратын және қайта даярлайтын институт тәжірибе-эксперименттік зертханасының ұсынысымен облыс көлемінде таратылды.


Апробация[өңдеу]

2012-2013, 2013-2014 оқу жылдарында лицейде инновациялық педагогикалық технологияларды сынақтан өткізу бағытында халықаралық деңгейде таралған, білім жүйесіне арналған «Edmodo» әлеуметтік жүйесі оқу үрдісіне енгізілді.

Бұл жүйе мұғалім мен оқушы арасында мектептен тыс уақытта байланыс орнатып, мектептегі оқу үрдісін кеңейтуге мүмкіндік береді.

Бұл жүйе арқылы мұғалім оқушыны бақылауға алып, оқушыға үй тапсырмасын, сабаққа келмеген жағдайда жаңа сабақ материалдарын жібере алады.

Оқушы мұғалім жұмысын электронды түрде дауыс беру арқылы бағалай алады. Бұл жүйенің артықшылығы мұғалім әлем бойынша озық мұғалімдердің іс-тәжірибесімен бөліседі, оқушы интернеттегі басқа сайттарға алаңдай алмайды, ата-аналар оқушының үлгерімін дер кезінде бақылай алады.

Лицейде осы жүйемен жұмыс жасайтын шығармашылық топ құрылған. Оның құрамында химия пәні мұғалімі Д.Садырбаев, математика пәні мұғалімдері Е.Палжанов, Ж.Рахимбаев, ағылшын тілі мұғалімдері У.Озйурт, Е.Бақыт, информатика пәні мұғалімі Э.Пириев, физика пәні мұғалімі Э.Атлан бар.

Шығармашылық топ жетекшісі биология пәні мұғалімі Ж.Жумагул бекітілді.

Аталған шығармашылық топ облыстық семинарларда, облыстық педагогикалық оқуларда өз іс-тәжірибесімен бөлісті.

Мұғалімнің дарынды балалармен жұмыс жүргізу іс-әрекетін үйлестіру;[өңдеу]

2012-2013, 2013-2014 оқу жылында мұғалімнің дарынды балалармен іс-әрекетін үйлестіру мақсатында халықаралық деңгейде танылған PBL жоба негізінде білім беру жүйесі енгізілді.

Бұл жүйенің ерекшелігі мұғалім оқушыға тоқсан ішінде өз пәні бойынша қызықты тақырыпты ұсына алады немесе оқушы өзі таңдайды.

Жоба дайындау төрт қадамнан тұрады.

1. Ізденіс кезеңі (жоба бойынша материал жинақтау),

2. Презентация дайындау,

3. Практикалық қадам (эксперимент, макет жасау),

4. Қорғау кезеңі.


Оқушы тоқсан ішінде өзінің жобасын қорғайды, жыл ішінде әр түрлі пәндерден төртеуге дейін жоба ала алады. Бұл оқушылардың ғылымға деген қызығушылығын арттырып, өз бетіндік жұмыс жасауға, ғылыми нәтижелерін жүйелеуге үйретеді. Лицейде бұл жүйе бойынша шығармашылық топ құрылған.

Топ жетекшісі Палжанов Ербол бекітілді.

4. Әдістемелік бірлестік:[өңдеу]

Лицейде 2013-2014 оқу жылында 5 әдістемелік бірлестік жұмыс жасайды.

Олар: «Жаратылыстану», бірлестік жетекшісі Г.С.Нұрғалиева, «Тіл және әдебиет», бірлестік жетекшісі Г.А.Мурзагалиева, «Математика және информатика», бірлестік жетекшісі Е.Н.Палжанов, «Адам және қоғам», бірлестік жетекшісі М.К.Утепкалиева, «Дене шынықтыру», бірлестік жетекшісі Е.У.Хисимов.

Барлық пәндер бірлестігінің жылдық жұмыс жоспары, бірлестік отырыстарының жылдық жоспары жасақталған, барлық бірлестіктердің пәндік апталықтары өткізілді.


Дарынды балармен жұмыс бойынша әдістемелік ұсыныстар әзірлеу;[өңдеу]

Лицейдің орыс сыныбындағы қазақ тілі мен әдебиеті пәні мұғалімі Мурзагалиева Гульбакыттың «Тәрбие бере білу - өнер» сыныптан тыс тәрбиелік шаралар жинағы, орыс тілі мен әдебиеті пәні мұғалімі Сейткалиева Куралайдың электрондық көрнекі құралдары (2013ж.), география пәні мұғалімі Нұрғалиева Гүлсараның «Географиядан сыныптан тыс шаралар» (2014ж.) жинағы шығарылды. («Өрлеу» БАҰО АҚ филиалы Атырау облысы бойынша педагогикалық қызметкерлердің біліктілігін арттыру институтының эксперименттік кеңесі, 03.03.2014ж, №3 хаттама).


ДБАББҰ ойдағыдай жұмыс жүргізуі үшін диагностикалық өлшемдер құрастыру;[өңдеу]

Тоқсан сайын «KATEV» ХҚҚ білім басқармасының ұйымдастыруымен барлық пән бойынша Білім тексеру сынағы (БТС) өткізіледі.

Білім тексеру сынағындағы оқушының жауап парағы «KATEV» ХҚҚ білім басқармасында тексеріліп, нәтижесі лицейге әр сынып бойынша жолданады.


Дарынды балаларға түрлі пәндер бойынша жоғарғы деңгейдегі тапсырмалар дайындау;[өңдеу]

Дарынды балаларға арналған пәндер бойынша лицей мұғалімдерінің жоғары деңгейдегі тапсырмалар жинағына лицейдің математика пәні мұғалімі Тамер Гюрдің 7-сыныптарға арналған күрделілігі жоғары есептері «Математика» оқулығында жинақталған (2013ж), қазақ тілі мен әдебиеті пәні мұғалімі Омарханова Ләбаданың «Қазақ тілі мен әдебиеті пәнінен дарынды балаларға арналған күрделендірілген тест тапсырмалары» оқу-әдістемелік құралы (2014ж.), математика пәні мұғалімі Палжанов Ерболдың «Математика пәнінен олимпиада тапсырмалары» жинағы (2014ж), орыс сыныбындағы қазақ тілі мен әдебиеті пәні мұғалімі Мурзагалиева Гульбакыттың «Қазақ тілінен олимпиада тапсырмалары» жинағы (2014ж) шықты.


Бұл жинақтар «Өрлеу» БАҰО АҚ филиалы Атырау облысы бойынша педагогикалық қызметкерлердің біліктілігін арттыру институтының Эксперименттік кеңесінде қаралды (03.03.2014ж, №3 хаттама). Осы жылы облыс көлемінде таратылатын озық іс-тәжірибелер жинағына енгізіледі.


Пәндік әдістемелік бірлестіктер жұмысының нәтижелерін тарату және жүйелендіру;[өңдеу]

Лицейде жыл сайын пән бірлестіктері апталықтарында өткізген мұғалімдердің ашық сабақтары мен сыныптан тыс жұмыстарының нәтижелері жеке жинақ ретінде шығарылып отырады.

Лицейдің ғылыми-әдістемелік кеңесінде (27.01.2014ж.) «Тіл және әдебиет» бірлестігінің шығармашылық есебі тыңдалып, лицейдің әдістемелік бірлестіктері арасында таратуға ұсынылды.

Оқушылардың ғылыми-зерттеу қызметі нәтижелерін жүйелендіру және қорытындылау;[өңдеу]

Лицейде «Дарын» оқушылар ғылыми қоғамы оқушылардың ғылыми-зерттеу қызметімен айналысуына бағыт-бағдар беріп отырады.

Бұл оқушылар ғылыми қоғамында 2013-2014 оқу жылы 9 секция өз жұмысын жүргізеді. Ғылыми қоғамның ғылыми-әдістемелік кеңесі, оқушылар кеңесі құрылған.

Оқушылардың халықаралық деңгейде ең үздік ғылыми жобалар жинағы 2011 жылы «Ғылымға бастау» деген атпен Атырау облыстық кадрлар біліктілігін арттыратын және қайта даярлайтын институттың тәжірибе-эксперименттік зертханасы арқылы талданып және мақұлданып, баспаға ұсынылды (тіркеу №123, 28.08.2011ж, хаттама №3).

Этномәдениеттану, тіл білімі, әдебиет секциялары бойынша оқушылардың облыстық ғылыми жобаларының жинағы «Ізденіс – дарындылықтың жолы» деген атаумен баспадан шығарылды (2014ж).


БАҚ-та жариялау;[өңдеу]

Лицей оқушыларының халықаралық жарыстарда қол жеткізген табыстары туралы мақалалар «Атырау» газетінде 27.01.2011ж №133, 12,05,2012ж, №57, 19.05.2011ж, №60, 26.01.2012ж, 01.09.2012ж, №101, 23.01.2013ж, №8,

«Прикаспийская коммуна» газетінде 30.11.2010ж, №137, 25.01.2011ж, №9, 12.05.2012ж, №55, 19.05.2011ж, 26.01.2012ж, 14.04.2012ж, 24.01.2012ж, №8,

«Городской парк» газеті 01.12.2011ж, №48, 01.12.2011ж,

«Ақ жайық» газеті 01.12.2011ж, 30.01.2014ж, №5,

«Жұлдыздар отбасы» 2012 жылы №12 санында жарық көрді.

5. Мұғалімдер:[өңдеу]

Мұғалімдер саны, оның ішінде білімі, санаты, өтілі (%); Атырау облыстық дарынды балаларға арналған интернаттық мекемесі бар қазақ-түрік лицейі мұғалімдері конкурс бойынша еңбек шартын жасау арқылы лицей директоры тарапынан жұмысқа қабылданған. 2013-2014 оқу жылында Атырау ҚТЛ-да 8 жоғарғы санатты, 3 І-санатты, 6 ІІ-санатты және 10 санаты жоқ; жалпы саны 27 мұғалім еңбек етеді. Педагог қызметкерлерді аттестаттау жұмыстары ұйымдастырылған, комиссиясы құрылған, біліктілік санаты куәліктерін тіркеу журналы дұрыс жүргізілген. Педагогтардың аттестациядан өтуі туралы мәлімет сызбасы жасалған. 3 мұғалімнің еңбек өтілі – 2 жылға дейін, 12 мұғалімнің еңбек өтілі – 3-8 жыл аралығы, 6 мұғалімнің еңбек өтілі – 9-16 жыларалығы, 3 мұғалімнің еңбек өтілі – 17-20 жыл аралығы, 3 мұғалімнің еңбек өтілі – 20 жылдан жоғары, зейнеткер жасындағы мұғалім жоқ. Педагог қызметкерлерді тіркеу кітапшасы талаптарға сай жүргізілген. Математика пәнінен 2 мұғалім, биология пәнінен 1 мұғалім, информатика пәнінен 1 мұғалім, химия пәнінен 1 мұғалім; ҚР азаматтары өз пәндерін ағылшын тілінде жүргізуде.

Шетел азаматтарын жұмысқа тарту[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейі ұйым штатының 25 пайызынан аспайтын және педагогикалық қызметті жүзеге асыратын шетелдік азаматтарды Қазақстан Республикасының заңнамаларына сәйкес жұмысқа тартады. 2013-2014 оқу жылында 5 Түркия Республикасы және 1 Монғолия Республикасы азаматы жұмысқа алынған. Олардың жұмыс визалары алынып, уақытылы тіркеулері жасалған.

Нормативтік базасы: Білім және ғылым министрлігінің 2008 жылы 28 тамыздағы №496 «Қазақ-түрік лицейлері туралы Ережені бекіту туралы Қазақстан Республикасы Денсаулық сақтау, білім және спорт министрлігінің 1999 жылы 7 тамыздағы №350 Бұйрығына өзгерістер мен толықтырулар енгізу туралы» Бұйрығы: «21-тармақ, 4-тармақша директордың орынбасарлары мен педагогикалық кадрларды (мұғалімдер мен тәрбиешілер) Қазақстан Республикасының Заңнамаларына сәйкес ҚТЛ-дың директоры жұмысқа қабылдайды. 21-тармақ, 5-тармақша ҚТЛ-да оқытудың ерекшеліктерін ескере отырып және озық тәжірибелерді тарату мақсатында өз еркімен немесе қажеттілікке байланысты «KATEV» ХҚҚ-ның ұсынысы бойынша лицейлер арасында оқытушылар ауыстырылуы мүмкін». «Атырау облыстық дарынды балаларға арналған интернаттық мекемесі бар қазақ-түрік лицейі» мемлекеттік мекемесінің қызметі туралы №1 келісім шарт (2009 жыл 21 ақпан): «1.6. лицей мұғалімдері мен өзге де жұмысшылары конкурс бойынша еңбек шартын жасасу арқылы директор тарапынан жұмысқа қабылданады».

Қазақстан Республикасы Үкіметінің 2001 жылы 19 маусымдағы №836 қаулысымен бекітілген «Қазақстан Республикасына шетелдік жұмыс күшін тартуға квота белгілеу, жұмыс берушілерге рұқсат берудің шарттары мен тәртібі» Ережелері (3-тармағы, 14-тармақшасы). Қазақстан Республикасы Үкіметінің 1997 жылы 16 маусымдағы №974 қаулысымен бекітілген, 1997 жылы 4 наурыздағы Қазақстан Республикасы Білім министрлігі мен Түркия Республикасы Ұлттық Білім министрлігі арасындағы «Білім саласындағы ынтымақтастық туралы» Хаттама (8-9 баптар).

2003 жылы 17 наурыздағы Қазақстан Республикасы Білім және Ғылым министрлігі мен «KATEV» Халықаралық қоғамдық қоры арасында «Қазақстан Республикасында қазақ-түрік оқу орындарын білім беру қызмет саласындағы ынтымақтастық туралы» Келісімі. Білім және ғылым министрлігінің 2008 жылы 28 тамыздағы №496 «Қазақ-түрік лицейлері туралы Ережені бекіту туралы Қазақстан Республикасы Денсаулық сақтау, білім және спорт министрлігінің 1999 жылы 7 тамыздағы №350 Бұйрығына өзгерістер мен толықтырулар енгізу туралы» Бұйрығы: «6-бөлімнің 2-тармағы ҚТЛ Қазақстан Республикасының қолданыстағы заңнамасына сәйкес Түркиядан және басқа да шет мемлекеттерден мамандар тартуға құқылы». «Атырау облыстық дарынды балаларға арналған интернаттық мекемесі бар қазақ-түрік лицейі» мемлекеттік мекемесінің қызметі туралы №1 келісім шарт (2009 жыл 21 ақпан): «2.2.2.(«KATEV» ХҚҚ) Заман талабына сай сапалы білім беретін педагогикалық ұжымын дайындау және құрастырады: 2.2.3. Түркия және басқа шетел мемлекеттерінен ағылшын және түрік тілдерінде сабақ беретін мұғалімдерді алып келуді ұйымдастырады».

Дарынды балаларға сабақ беруді ұйымдастыру және өткізу;[өңдеу]

Оқушылар лицейде 6 күндік сабақ кестесі бойынша дәріс алады. Сабақ кестесінің уақыты 2 сабақтан кейін 15 минут, қалған уақытта 10 минут, түскі ас ішуге оқушыларға 1 сағат үзіліс тәртібімен жасақталған. Дарынды балалармен жұмыс жүргізу бағдарламаларын қарастыру;

Дарынды оқушылармен жеке жұмыс жүргізуді ұйымдастыру; • Пән олимпиадаларына дайындау (облыстық, республикалық, халықаралық). • Ғылыми-практикалық конференциялар «Ғылым әлемін ашамыз», «Жолдасбеков оқулары», «Математика және жобалау» т.б. • Ғылыми зерттеушілік жұмыстары: облыстық, республикалық, халықаралық ғылыми жобалар сайыстарына қатысу. • Республикалық, халықаралық интеллектуалды сайыстарға қатысу: «Ақбота», «Кенгуру», «Русский медвежонок», «Золотое руно», «ХХІ ғасыр көшбасшысы». • Өнер сайыстарына қатысу: көркемсөз шеберлер сайысы, тіл меңгеру сайысы, шығармалар сайысы, «Абай оқулары», «Жарқын болашақ» қазақ тілі олимпиадасы. • Спорт жарыстарына қатысу: шахмат, футбол, теннис, волейбол т.б. • Жоғары оқу орындарының мұғалімдері ғылыми қызметкерлерімен кездесу өткізу. • Ізденіс жұмыстарын (реферат, баяндама, крассворд, ребус, өлең шығару, мақала жазу), өз бетінше ізденіп оқуды ұйымдастыру, дамыту.

Оқушыларды олимпиада, ғылыми жарыс, конкурс, викториналарға дайындау (аудандық, облыстық, республикалық, халықаралық деңгейде);[өңдеу]

Лицейде пәндер бойынша құрылған олимпиадаға дайындық жұмыстарына 120-ға жуық оқушы тартылған. Лицейдің іс- тәжірибесінде оқушыларды пән олимпиадасына 7 сыныптан таңдайды. Таңдау мақсатында төмендегідей жұмыстар жүргізіледі: - Оқушыларға диагностикалық зерттеу карталары, анкеталар жүгізіледі. - Пәндік емтихандар өткізіледі. - Оқушының қай пәнге қызығатынын өз қалауы, таңдау талғамы, ой пікірі анықталады. - Ата-анамен кездесіп, түсіндіру жұмыстары жүргізіледі. - Пән мұғалімдері мен сынып жетекшілерінің пікірі тыңдалады. Осы жүргізілген жұмыстардың нәтижесі сарапталады да қортындысы бойынша олимпиадаға қатысатын оқушы таңдалады. Олимпиадаға дайындау оқу жылы ішінде жүйелі, жоспарлы түрде жүргізіледі. Пән мұғалімдері аптасына 2-3 рет дайындық сабақтарын беріп, тақырыптар түсіндіріп, тапсырмалар береді, оның орындалуын тексеріп отырады. Каникул күндерінде олимпиадаға дайындық лагері өткізіліп, оқушы білімін тексеру шыңдау мақсатында ОДС (олимпиадаға дайындық сабағы) емтихандары өткізіліп, қорытындысы шығарылып, әр оқушының жұмысына талдау жасалады. Оқушылардың пәнге қызығушылығын арттыру негізінде «Шеберлік мектебі» жұмыс жасайды. Мектеп түлектері, олимпиада жүлдегерлері, жоғары сынып оқушылары олимпиадаға қатысушыларға дайындық сабағын өткізеді. Тоқсан сайын КБО (КАТЕV білім олимпиадасы) өткізіліп барлық қазақ-түрік лицейлері бойынша рейтингілік жүйесі анықталады. Осы КБО қорытындысы бойынша алғашқы 20 оқушы жазғы каникул кезінде Алматыға дайындыққа шақырылады. Оларға Халықаралық, Әлемдік олимпиада жеңімпаздары және жоғары оқу орындарының ғалым-ұстаздары сабақ береді, сонымен қатар оқушылардың өздігінен ізденіп, дайындалуына, оқуына қосымша тапсырмалар беріледі.

Дарынды оқушылардың жеке білім беру бағдарламаларының орындалуын қадағалау;[өңдеу]

Тоқсан сайын лицейдің ғылыми-әдістемелік кеңесінің мәжілісінде дарынды оқушылармен жүргізілетін жеке білім беру бағдарламаларының орындалуы қадағаланады. Дарынды балалармен жүргізілген жұмыс нәтижесін жүйелендіру және қорытындылау; Атырау қазақ-түрік лицейінің дарынды балаларының жетістіктерінің (облыстық, республикалық, халықаралық) мәліметі, мониторинг жасақталған. 2014 жылы жеке кітапша түрінде жарық көрді. Сонымен бірге 2012 жылы Атырау облыстық кадрлар біліктілігін арттыратын және қайта даярлайтын институттың «Дарын» кабинетінің шығарған «Ұша білген қанатқа дүние кең» жинағына енгізілді.

Пәндер бойынша шығармашылық есеп беру;[өңдеу]

Лицейдің ғылыми-әдістемелік кеңесінің мәжілістерінде тоқсан сайын әдістемелік бірлестіктердің жетекшілері жеке пәндердің берілуі бойынша есеп береді.

Жетістіктер[өңдеу]

Лицейде оқытудың жаңа технологиясын тарату бағытында шығармашылық топтар құрылған. Бұл топтардың жұмысы арнайы семинарлар, бірлестік отырыстары, өзара сабаққа қатысу арқылы жүзеге асып отырады. Бұл шығармашылық топтардың жұмысына биология пәнінің мұғалімі Жумагул Жаслан, математика пәні мұғалімі Палжанов Ербол, орыс тілі мұғалімі Сейткалиева Куралай, қазақ тілі мен әдебиеті пәні мұғалімі Мурзагалиева Гульбакыт сияқты тәжірибелі ұстаздар басшылық жасайды.

Лицей ұстазы Жолдасова Зауренің көпжылдық озық іс-тәжірибелер жинағы "Ізденген жетер мұратқа" деген атпен әдістемелік құралы ретінде республикалық деңгейде таратылды. Аталған мұғалім 2009-2010 оқу жылында Көкшетау қаласында өткен инновациялық-педагогикалық идеялар жөніндегі фестивальге қатысып, өз тәжірибесімен бөліскен. Мұғалімнің 2011 жылы «Ізденген жетер мұратқа» атты жинағы Атырау облыстық кадрлар біліктілігін арттыратын және қайта даярлайтын институттың №125 авторлық куәлігіне ие.

Лицейдің орыс сыныбындағы қазақ тілі пәнінің мұғалімі Мурзагалиева Гульбакыттың озық іс-тәжірибелері облыс көлемінде шығатын жинаққа енгізілген.

Лицейдің қазақ тілі мен әдебиеті пәнінің мұғалімі Төлекенова Нұрлыгүлдің жас мамандарға жәрдем ретінде педагогикалық іс-тәжірибесі республикалық қазақ тілі мен әдебиеті журналына енгізілген. (2011 жыл 11 сан)

Лицейде жас маман информатика пәнінің мұғалімі Пириев Эльбрустың ғылыми мақалалары жоғары бағаланып «Қазақстанның ғылыми әлемі» атты халықаралық журналында (2009-2010 ж.ж.) жарық көрген.

Атырау облыстық қазақ-түрік лицейінде, білімнің жаңа мазмұнын жүзеге асыру үшін төмендегідей жаңа технологиялар қолданыс тапқан: • Оқу мен жазуды сын тұрғысынан ойлау арқылы дамыту; • Ақпараттық оқыту; • Деңгейлік саралау; • Интеграциялық оқыту технологиясы; • Өзін-өзі дамыта оқыту технологиясы; • Оқытудың ынтымақтастық тәсілдері: дискуссия, проблемалық сұрақ, оқу диалогі, оқу сайысы, қарама-қарсы пікірлер сайысы т.б.

Бұл әдістер оқушыларды дамыту және тәрбиелеудің механизмі. Осы орайда дамыта оқыту жүйесі оқу іс-әрекетін қалыптастыру арқылы субъект (таным иесі) ретінде қарастыру негізінде алынады. Оқытуды ұйымдастыру түрлері мен оқыту технологиялары алға қойған міндеттерді шешудің кешенді құралдары болып табылады.

Лицейде 2010-2012 оқу жылдары ағылшын тілі мұғалімдері Барыш Оғуз, Саттар Жансерік, математика пәнінің мұғалімі Асанов Бауыржан, химия пәнінің мұғалімі Жиенбай Ержан облыс көлемінде енгізілген «Үш тілде тұғырлы оқыту» эксперименттік тәжірибе жұмысына белсене қатынасып, осы бағытта мұғалімдер жетілдіру және қайта даярлау институты жанынан лекторлар болып табылған.

Өткен оқу жылында облыстық білім беру саласындағы үздік мектептердің бірі ретінде, лицей «Дарынды балалар – Қазақстанның болашағы» атты республикалық энциклопедияға енген.

Ал лицейдің орыс тілі мұғалімі Сейткалиева Куралайдың «Творчество как грань одаренной личности» тақырыбындағы және лицей директоры Исмаил Эльманың «Оқу тәрбие жұмысын технологизациялау арқылы – дарындылықты тану және дамыту жолдары» тақырыбындағы іс-тәжірибелері Астана қаласындағы Республикалық «Дарын» ғылыми практикалық орталығы ұйымдастырған «Дарындылық мәселесіне жаңаша көзқарас» атты халықаралық конференциясының жинақтарына енгізілген. Математика пәні мұғалімі Тамер Гюрдің «Mathematics» оқыту тілі ағылшынша болған мұғалімдер үшін әдістемелік құрал ретінде пайдаланылуда.

Осы оқу жылында Назарбаев университетінің ректоры қатынасқан облыстық деңгейдегі өткен конференцияда лицейдің оқу-тәрбие жұмысы жөніндегі орынбасары Кусаинов Рустем «Атырау қазақ-түрік лицейіндегі оқытудың инновациялық әдістері» тақырыбында баяндама жасаған.

Ұстаздар жетістігі[өңдеу]

Желтоқсан айында ҚР тәуелсіздігінің 20 жылдығына орай өткізілген облыстық дарынды балалармен жұмыс жасайтын ұстаздар форумында лицейдің бірқатар ұстаздары Мухсин Шахин, Асанов Бауыржан, Нұрғалиева Гүлсара, Пириев Эльбрус «Үздік мұғалім - 2011» марапаттауына ие болған.

Лицей ұстазы Сейткалиева Куралай Білім және ғылым министрлігінің «Алғыс хатымен» марапатталған.

Дарынды балалармен жұмысты ұйымдастыру бойынша әдістемелік ұсыныстар, материалдар әзірлеу;

Орыс тілі және әдебиеті пәні бойынша мұғалім Сейткалиева Куралайдың электрондық көрнекі құралдары әзірленді.

Орыс сыныбындағы қазақ тілі мен әдебиеті пәні мұғалімі Мурзагалиева Гульбакыттың «Тәрбие бере білу - өнер» сыныптан тыс тәжірибелер жинағы, «Қазақ тілінен олимпиада тапсырмалары», география пәні мұғалімі Нұрғалиева Гүлсараның «Географиядан сыныптан тыс шаралар», математика пәні мұғалімі Палжанов Ерболдың «Математика пәнінен олимпиада тапсырмалар», қазақ тілі мен әдебиеті пәні мұғалі Омарханова Ләбәданың «Қазақ тілі мен әдебиеті пәнінен дарынды балаларға арналған күрделендірілген тест тапсырмалары» жинағы «Өрлеу» БАҰО АҚ филиалы Атырау облысы бойынша педагогикалық қызметкерлердің біліктілігін арттыру институтының Эксперименттік кеңесінде қаралып (03.03.2014ж, №3 хаттама), облыс көлемінде таратылатын озық әс-тәжірибелер жинағына енгізілді.

Біліктілігін арттыру (БКИ, ЖОО, елімізде және шет елдерде);[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейінде 2010-2014 жылдар аралығында мұғалімдер мен тәрбиешілердің түрлі біліктілік арттыру курстары мен білім жетілдіру семинарларына жүйелі түрде қатысуы жолға қойылған. Соңғы 4 жылда Халықаралық деңгейдегі семинарларға 15 мұғалім, ҚР Білім және ғылым министрлігі Білім беру жүйесінің басшы және ғылыми педагогикалық кадрлар біліктілігін арттыратын республикалық институтының курсына 21 мұғалім, ҚР Білім және ғылым министрлігі Ұлттық ғылыми практикалық дене тәрбиесі орталығының курсына 1 мұғалім, ҚР Кіші ғылым академиясының курсына 2 мұғалім қатысқан. Атырау облыстық кадрлар біліктілігін арттыратын және қайта даярлайтын институтының пәндер бойынша ұйымдастырған білім көтеру курстарына 15 мұғалім, аталмыш институттың «ҚР-ның үздіксіз білім беру жүйесіндегі тәрбие тұжырымдамасын жүзеге асырудың жолдары» тақырыбындағы курсына 35 мұғалім мен тәрбиеші қатысқан. Технология саласы бойынша 6 мұғалім түрлі білім жетілдіру курстарынан өткен. «KATEV» ХҚҚ қазақ-түрік лицейлерінің мұғалімдері үшін ұйымдастырылған білім жетілдіру семинарларына 29 мұғалім, Назарбаев Зияткерлік мектептері дербес білім беру ұйымы деңгейлік курстарына 3 мұғалім қатысып, өз білімін жетілдіріп қайтқан.

Конференцияларға қатысу[өңдеу]

И.Эльма – «Дарын» РҒПО, 15-16.08.2011ж. «Дарындылық мәселесіне жаңаша көзқарас» халықаралық ғылыми-практикалық конференция;

Э.К.Пириев - «Дарын» РҒПО, 15-16.08.2011ж. «Дарындылық мәселесіне жаңаша көзқарас» халықаралық ғылыми-практикалық конференция;

Г.С.Нұрғалиева – «Өрлеу» БАҰО АҚ филиалы АОБПҚБАИ, 11.06.2013ж. «Ғылыми нәтижеге бағытталған білім беру моделіне көшу жадайында педагог қызметкерлердің құзыреттілігін дамыту» аймақтық ғылыми-әдістемелік конференция;

Р.М.Кусаинов – «Өрлеу» БАҰО АҚ филиалы АОБПҚБАИ, 11.06.2013ж. «Ғылыми нәтижеге бағытталған білім беру моделіне көшу жадайында педагог қызметкерлердің құзыреттілігін дамыту» аймақтық ғылыми-әдістемелік конференция;

Е.Н.Палжанов – «Өрлеу» БАҰО АҚ филиалы АОБПҚБАИ, 11.06.2013ж. «Ғылыми нәтижеге бағытталған білім беру моделіне көшу жадайында педагог қызметкерлердің құзыреттілігін дамыту» аймақтық ғылыми-әдістемелік конференция;

Е.А.Койшибеков – «Өрлеу» БАҰО АҚ филиалы АОБПҚБАИ, 11.06.2013ж. «Ғылыми нәтижеге бағытталған білім беру моделіне көшу жадайында педагог қызметкерлердің құзыреттілігін дамыту» аймақтық ғылыми-әдістемелік конференция;

Ж.Б.Жумагул – «Өрлеу» БАҰО АҚ филиалы АОБПҚБАИ, 11.06.2013ж. «Ғылыми нәтижеге бағытталған білім беру моделіне көшу жадайында педагог қызметкерлердің құзыреттілігін дамыту» аймақтық ғылыми-әдістемелік конференция;

М.К.Утепкалиева – «Өрлеу» БАҰО АҚ филиалы АОБПҚБАИ, 06.12.2013ж. «Біліктілікті арттыруды ғылыми-әдістемелік қамтамасыз ету – педагогикалық кадрлардың кәсіби құзырлылығын қалыптастырудың басты шарты» республикалық ғылыми-тәжірибелік конференция;

Облыстық, республикалық, халықаралық конкурс, фестиваль, конференцияларға қатысу (тақырыбы, жылы);[өңдеу]

Э.К.Пириев – Қазақ-түрік лицейлері информатика пәні мұғалімдері арасында өткен емтихан І орын, «KATEV» ХҚҚ, 25.04.2011ж;

К.М.Сейткалиева – Қазақ-түрік лицейлері орыс тілі мен әдебиеті пәні мұғалімдері арасында өткен емтихан І орын, «KATEV» ХҚҚ, 25.04.2011ж;

Г.С.Нұрғалиева – Қазақ-түрік лицейлері география пәні мұғалімдері арасында өткен емтихан І орын, «KATEV» ХҚҚ, 25.04.2011ж;

Б.У.Асанов – Қазақ-түрік лицейлері математика пәні мұғалімдері арасында өткен емтихан І орын, «KATEV» ХҚҚ, 25.04.2011ж;

А.Бану (Өзін-өзі тану пәні) – Облыстық «Жақсы болу өзіңнен шығармашылық фестивалі - 2011» алғыс хат, Атырау облысы балалардың құқығын қорғау департаменті, 2011ж;

А.М.Шагирова (сызу пәні) – «Жер біздің ортақ үйіміз» ІХ Ұлттық экологиялық суреттер байқауы сертификат, Шеврон, 2011ж;

Е.С.Омаров (тәрбиеші) - Облыстық «Үздік тәрбиеші – 2011» конкурсы II орын, Атырау ОКБАжҚДИ, 2011ж;

Г.С.Нұрғалиева – Қазақ-түрік лицейлері география пәні мұғалімдері арасында өткен емтихан ІІ орын, «KATEV» ХҚҚ, 25.05.2012ж;

Э.К.Пириев (информатика пәні) – Жыл адамы 2012 «Үздік мұғалім» номинациясы, Атырау облысы альянсы Заңды тұлғалар бірлестігі, 2012ж;

Е.Н.Палжанов – математика бойынша мұғалімдерге арналған республикалық қашықтық олимпиада І орын, «Дарын» РҒПО, 2012ж;

Г.А.Мурзагалиева – қазақ әдебиеті бойынша мұғалімдерге арналған республикалық қашықтық олимпиада ІІІ орын, «Дарын» РҒПО, 2012ж;

М.К.Утепкалиева (тарих пәні) – «Оқушылардың функционалдық сауаттылығын арттырудағы тиімді тәсілдер» қалалық педагогикалық оқулар І орын, Атырау қалалық білім бөлімі, 2013ж;

М.К.Утепкалиева (тарих пәні) – «Білім беру қызметкерлерінің кәсіби өсуі – білім берудің жаңа сапасын қамтамасыз етудің шарты» ХІV облыстық педагогикалық оқулар ІІ орын, Атырау облыстық білім беру басқармасы, 2013ж;

А.Б.Бағыт (информатика пәні) – «Білім беру қызметкерлерінің кәсіби өсуі – білім берудің жаңа сапасын қамтамасыз етудің шарты» ХІV облыстық педагогикалық оқулар ІІІ орын, Атырау облыстық білім беру басқармасы, 2013ж;

Р.Корганов (ағылшын тілі) – «Тіл шебері» облыстық байқауы ІІІ орын, Атырау облысы тілдерді дамыту жөніндегі басқарма, 2013ж;

В.Ч.Алекперов (тәрбиеші) – «Тіл шебері» облыстық байқауы І орын, Атырау облысы тілдерді дамыту жөніндегі басқарма, 2014ж;

Аттестациядан өту[өңдеу]

Атырау облыстық білім беру басқармасының 2012 жылғы 2 наурыздағы №87 бұйрығымен 2012 жылдың 12-16 наурыз аралығында Атырау облыстық дарынды балаларға арналған интернаттық мекемесі бар қазақ-түрік лицейінде мемлекеттік аттестаттау жүргізілген. Мемлекеттік аттестаттау комиссиясының шешімі бойынша облыстық білім беру басқармасының 2012 жылғы 19 наурыздағы №109 бұйрығымен «Облыстық дарыды балаларға арналған қазақ-түрік лицейі 5 жыл мерзімге аттестатталынды».


Тәрбиешілердің сапалық құрамы, жұмысқа алынуы[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейі –дарынды балаларға арналған интернаттық типтегі оқу орны. Лицейдің білім беру ерекшеліктері толық қанды тіл үйрену ортасын қамтамасыз етуді талап еткендіктен, 7-11 сынып оқушылары лицей жанындағы интернатта тұрады.

Оқу тәрбие жұмысының үзіліссіз түрде жүргізілуін қамтамасыз ету үшін 4 тілді (қазақ, орыс, ағылшын, түрік) жетік меңгерген, лицей оқу және тәрбие бағдарламасымен таныс, арнайы семинарлардан өткен азаматтар директор тарапынан келісім шарт жасасу арқылы тәрбиешілікке алынады.Тәрбиешілер арнайы семинарларға қатысып білім көтеру курстарынан өткен. 2009 жылы 12-15 тамыз аралығында Алматы қаласында «КАТЕV» ХҚҚ ұйымдастырған «Дарынды балаларға арналған қазақ-түрік лицейлеріндегі оқу-тәрбие процесін ұйымдастырудың өзекті мәселелері» тақырыбындағы ҚТЛ тәрбиешілерінің республикалық оқу-әдістемелік семинарына 4 тәрбиеші қатысқан.

10 тәрбиеші 2011-2012 оқу жылы 27-30 қазан аралығында Ақтөбе облысы Білім басқармасы және «КАТЕV» ХҚҚ ұйымдастыруымен Ақтөбе қаласында өткен «Қазақстан Республикасының үздіксіз білім беру жүйесіндегі тәрбие тұжырымдамасын жүзеге асыру жолдары» тақырыбындағы Республикалық оқу-әдістемелік семинарынан және 4-7 қаңтар аралығында Атырау облыстық кадрлар біліктілігін арттыратын және қайта даярлайтын институты ұйымдастырған «Қазақстан Республикасының үздіксіз білім беру жүйесіндегі тәрбие тұжырымдамасын жүзеге асырудың жолдары» тақырыбындағы білім көтеру курсынан өткен.

11«А» сынып тәрбиешісі Е.С.Омаров 2011 жылы Атырау ОКБАжҚДИ өткізген Облыстық «Үздік тәрбиеші – 2011» конкурсында жүлделі орын алып, II-дәрежелі дипломмен марапатталған.

Нормативтік базасы:[өңдеу]

Қазақстан Республикасы Білім және ғылым министрлігінің 2000 жылы 14 шілдедегі №708-а «Қазақстан Республикасы интернаттық білім беру ұйымдарының қызметін ұйымдастыру тәртібі туралы» Ереже. Білім және ғылым министрлігінің 2008 жылы 28 тамыздағы №496 «Қазақ-түрік лицейлері туралы Ережені бекіту туралы Қазақстан Республикасы Денсаулық сақтау, білім және спорт министрлігінің 1999 жылы 7 тамыздағы №350 Бұйрығына өзгерістер мен толықтырулар енгізу туралы» Бұйрығы: «21-тармақ, 6-тармақша Тәрбиешілікке жалпы орта, орта білімнен кейінгі және жоғары білімі бар, 4 тілді (қазақ, орыс, ағылшын және түрік) меңгерген ҚТЛ-дің жұмыс жүйесімен таныс арнайы семинардан өткен азаматтар (немесе ЖОО мен колледждердің студенттері қабылданады)».

«Атырау облыстық дарынды балаларға арналған интернаттық мекемесі бар қазақ-түрік лицейі» мемлекеттік мекемесінің қызметі туралы №1 келісім шарт (2009 жыл 21 ақпан): «1.7. Тәрбиешілер мен олардың көмекшілері (оқушылармен 4 тілде практикалық сабақ жүргізетін, оларға қоғамдық мәдени және спорттық шараларды ұйымдастыруға көмек көрсететін тұлғалар) «KATEV» ХҚҚ ұйымдастыратын семинарларда жақсы нәтиже көрсеткен тұлғалардың арасынан директор тарапынан жұмысқа қабылданады».

Лицей жанындағы жатақхана жағдайы[өңдеу]

Атырау облыстық дарынды балаларға арналған интернаттық мекемесі бар қазақ-түрік лицейі жанындағы жатақхана жұмысы ҚР Білім және ғылым министрлігінің 2000 жыл 10 шілдедегі №708 «ҚР интернаттық білім беру ұйымдарының қызметін ұйымдастыру тәртібі туралы ережені бекіту туралы» Бұйрығы негізінде ұйымдастырылған.

Лицейдің 120 орындық, 2 қабат жатақхана ғимараты 2008 жылы күрделі жөндеуден өткен. Жатақхананың жатын бөлмелерімен қатар 11 әжетхана, 10 жуынатын кабина, 2 LCD экран теледидар қойылған 3 демалыс бөлмесі бар. 1-қабатта жатақхана меңгерушісінің бөлмесі, аяқ киім қоятын бөлме, холл қарастырылған. Жылу, суық су, ыстық су, канализация жүйелері орталықтандырылған. Жатақханада тұратын әр оқушыға төсек орнымен қоса шкаф бекітілген. Штат бойынша 1 вахтёр, 3 күзетші, 1 еден жуушы, 1 жатақхана меңгерушісі қызмет көрсетеді.

Жатақхана меңгерушісі Садырбаев Дархан 5 жыл еңбек өтілі бар химия пәні мұғалімі. 2013-2014 оқу жылында Жатақхана жылдық жоспары дайындалып бекітілген. Жатақхана апталық жоспары, сыныптан тыс жұмыстар мен тәрбие сағаттарының кестесі бекітілген.

Лицей жатақханасында тұратындар тізімі оқушы ата-аналарының арызы қаралып, лицей әкімшілігі тарапынан бекітіледі. Жатақханаға оқушы қабылдау кезінде аудандық жерден келгендер және қашық мөлтекаудандарда тұратындарға әуелдік беріледі. Оқушылардың кешкі 19:00-21:00 арасындағы үй жұмысын дайындау және өздік жұмыс этюдтеріне қатысуын қадағалау және түнгі уақытта оқушылардың денсаулығы мен өмір қауіпсіздігін қамтамасыз ету мақсатында сынып жетекшілерінен түнгі кезекшілік ұйымдастырылған.