Атыс жолағы

Атыс жолағы (Полоса огня) қорғаныста қарсыласты мотоатқыштар және танк бөлімшелерінің (роталарының, взводтарының) атысымен жою көзделген шектегі жергілікті жер алқабы. Оны атыс жүйесін ұйымдастыру кезінде батальон (рота, взвод) командирі тағайындайды. Атыс жолағының оң және сол жақ шекаралары жергілікті жер заттарымен (бағыттарымен) белгіленеді. Атыс жолағының терендігі қолда бар атыс құралдарының нақты ату қашықтығымен, ені — қорғаныстағы тірек пунктінің немесе позицияның маңдайшеп мөлшерімен анықталады. Атысты көрші бөлімшелермен бірлесіп ұйымдастыру мақсатында атыс жолағымен қатар қосымша атқылау секторлары тағайындалады, ал көршілес бөлімшелер түйіскен жерлерде олардың атыс жолағы озара жабылады. Атыс жолағыында бақылау ұйымдастырылады, барлық атыс құралдары үшін міндеттер анықталады, бөлімшелердің атыс жолақтары мен шоғырланған атыс еңірлері, сонымен қатар бөлімшелердің, пулеметтердің, зеңбіректердің, танктердің және басқа атыс құралдарының негізгі және қосымша атыс секторлары тағайындалады.