Африка түйеқұстары

Африка түйеқұстарының жұбы

Африка түйеқұстары — осы замандағы құстардын, ең ірісі деген бір ғана түрге жатады.

Биологиялық сипаттамасы

• Ересек еркектерінің бойының биіктігі 260 — 275 см болады. Орта салмағы 50 кг, ал өте ірілерінің салмағы 90 кг-ға жетеді.

Бұлардың ерекшелігі аяғының тырнағы екеу ғана болады (бұл қазіргі кездегі құстарда сирек кездесетін жағдай). Шап сүйектері бірігіп кетуінің салдарынан жабық жамбас сүйектерін құрайды. Қанаттары едәуір үлкен. Оларды қатты жүгірген кезде төмен түсіріп жібереді. Жалпы аталықтарының түсі қара, ал аналықтарының түсі қоңыр-сұр болып келеді. Құйрық қауырсындары мен қанаттары ақшыл болады.

Таралуы

Бұл түйеқұстар қазіргі кезде Аравия мен Африканың шөлді-далалы аймақтарында кездеседі. Осы түрге жақын түрлері үшінші дәуірде Оңтүстік Азияда, Солтүстік Қытайда, Моңғолияда, Забайкальеде (далаларда, шөлдерде, саванналарда) тіршілік еткен. Бірнешеуі бірігіп топтанып, жиі өріс ауыстырып отырған. Өте тез жүгіреді, жүгіргенде адымы 2 — 3 метрді алады.

Қорегі

• өсімдіктер
• кейде ұсақ жануарлар
• кемірушілер
• жәндіктер болып табылады.

Көбеюі

Жұмыртқалалары

Бұлар әдетте моногамдар. Ұрғашысы салмағы 1400 г болатын 10 — 15 жұмыртқа туады. Жұмыртқаны аталығы түнде, ұрғашысы күндіз кезектесіп басады. Бұл 40 күнге созылады. Жұмыртқадан көзі ашық, мамық жүнді ширақ балапан шығады. Олар тек үш жасында ғана жыныстық жағынан жетіледі. Бұлардың ақ түсті қанаттары мен құйрық қанаттарын әсемдік үшін, ал етін тамақ үшін пайдаланады. Кейбір жерлерде оларды жартылай үй құстары есебінде асырайды.

Тағы қараңыз

• Түйеқұс