Ашк Упендранатх

Уикипедия — ашық энциклопедиясынан алынған мәлімет
Jump to navigation Jump to search
Ашк Упендранатх
хинди उपेन्द्रनाथ अश्क
Қайтыс болған күні

19 қаңтар 1996(1996-01-19)

Қайтыс болған жері

Аллахабад, Үндістан

Азаматтығы

 Үндістан

Мансабы

драматург

Ашк Упендранатх (хинди उपेन्द्रनाथ अश्क, 14 желтоқсан 1910 — 19 қантар 1996)[1][2][3] — үнді жазушы, драматург, көптеген әңгіме мен романдардың авторы[4].

1910 жылы Джаландхарда (Пенджаб)[5] брахмин отбасында туған[6]. Алғашқы өлеңдерін (пенджаб тілінде) 11 жасында жаза бастады [7]. 1936 ж. Лахор университетінің заң факультетін бітірген. 1945-46 ж. Бомбейде шығатын газет-журналдарда, соның киностудиясында қызмет істейді. Шығармаларын хинди тілінде жазады.

Ашк Упендранатх - 50-ден астам пьесаның, 200-дей әңгіменің, бірнеше роман мен өлеңдер жинағының авторы. Оның пьесалары хинди драматургиясының ескірген дәстүрлер мен жалған тарихи тақырыптардан арылуына, реалисттік драматургиясының қалыптасуынажол ашты. Ашк Упендранатх драмаларының көпшілігі отбасында өрістейді, оларда уақыт қайшылығы бейнеленеді. Ең таңдаулы бір актілі пьесаларының бірінде ол мұсылмандар мен үнділердің туысқандық, достық идеясын уағыздайды. Романдарының негізгі кейіпкері - бақыт жолын іздейтінқарапайым адам. "Жұлдыздар ойыны" романында теңсіз әйелдің қайғылы тағдыры суреттеледі. "Құлап келе жатқан қабырға" (1947) романы - талант адамын мүшкіл халге ұшырататын отаршылдық құрылысқа айтылған қатал үкім. Пенджаптың соғыс алдындағы өмірін суреттейтін "От сөнген жоқ" (1952) романында автор жұмысшы табына іш тартатынын аңғарады.

Дереккөздер[өңдеу]

  1. [1] INDIAN COUNCIL FOR CULTURAL RELATIONS, Annual Report сәуір 2010 — наурыз 2011
  2. Ashk, Upendra Nath. Тексерілді, 14 қаңтар 2013.
  3. Kuldip Kalia. Atal Behari Bajpai you said? (30 қаңтар 2000). Тексерілді 14 қаңтардың 2013.
  4. Amaresh Datta Encyclopaedia of Indian Literature: A-Devo — Sahitya Akademi, 1987. — P. 244. — ISBN 978-81-260-1803-1.
  5. Upendranath Ashk. Басты дереккөзінен мұрағатталған 24 наурыз 2013. Тексерілді, 14 қаңтар 2013.
  6. Upendranath Ashk: a critical biography — Katha. — ISBN 978-81-89020-00-2.
  7. Ashk Upendranath Ashk 75 — Neelabh Prakashan, 1988.