Ашытқыш саңырауқұлақтар

Уикипедия — ашық энциклопедиясынан алынған мәлімет
Jump to navigation Jump to search
Ашытқыш саңырауқұлақтар
Saccharomyces cerevisiae микроскоппен қарағанда
Saccharomyces cerevisiae микроскоппен қарағанда
Ғылыми топтастыруы
Дүниесі: Саңырауқұлақтар
Жамағаты: Аскомицеттер
Табы: Ашытқыш саңырауқұлақтар
Сабы: Ашытқыш саңырауқұлақтар
Тұқымдасы: Saccharomycetaceae
G. Winter, 1881
Үлгілік тегі
Saccharomyces
Meyen ex E.C. Hansen

Ашытқыш саңырауқұлақтар (лат. Saccharomycetaceae) - аскомицеттер жамағатына жататын, бір жасушалы, тікелей және бүршікпен көбейетін, алғашқы қалталы саңырауқұлақтар

Биологиялық сипаттамасы[өңдеу]

Жасушу пішіндері әр түрлі: дөңгелек, жұмыртқа тәріздес, сопақша,; ұзындығы 8-11 мк, ені 5-7мк. Кейбір түрлері сыра қайнату нан пісіру, спирт өнеркәсібінде қолданылады. Әр түрлі жеміс-жидектерде, жүзім, алма, кейбір гүлдерде, қантты заттары бар шырындарда т.б. осы саңырауқұлақтар арқылы аши алатын ортаның бәрінде де кездеседі. Олар азотты, минералды заттарды жақсы сіңіреді. Ашытқыш саңырауқұлақтарды өсіру үшін әлсіз қышқылды (рһ-5-5,8) және жылы орта (25-30°С) керек. Олар 100°С-та өледі.

Пайдалануы[өңдеу]

Ашытқыш саңырауқұлақтар ақуыз, май, дәрумендерді өте жақсы сіңіретіндіктен, тамақ және мал азықтық ақуызды концентрат дайындауға кеңінен қолданылады. Сут қантын ашытатын Ашытқыш саңырауқұлақтар айран, құрт, кефир, қымыз т.б. құрамында болады. Ашытқыш саңырауқұлақтарда түрлі дәрумендер (тиамин, рибофлавин, никотин қышқылы, фолий қышқылы т.б.) болғандықтан, әр түрлі ауруларды (авитаминоз, фурункулез т.б.) емдеу үшін қолданылады. Ашытқыш саңырауқұлақтар микроағзалар арасында пайдалы саңырауқұлақтар болып саналады[1].

Дереккөздер[өңдеу]

  1. Қазақ Совет энциклопедиясы/Бас редакторы М.Қ.Қаратаев - Алматы, 1972, 1 том