Ақерке

"Ақерке" - 7-15 жас аралығындағы балалар дем алып, тынығатын орталық. Іле Алатауының етегіндегі табиғаты әсем, климаты қоңыржай жерде, Алматы қаласынан 40 км қашықтықта орналасқан. Мұнда балалардың көңілді дем алып, тынығуына қажетті барлық жағдай жасалған. Атпен сейілдеу манежі, бассейн, футбол, волейбол, стридбол, бадминтон, тағы басқа спорттық ойындар алаңдары жұмыс істейді. Сонымен қатар балалардың өнер салаларына қабілетін шыңдап, шеберліктерін ашатын алуан түрлі шеберханалар; би, көркемөнер, театр, практик, психология үйірмелері бар. Орталық асханасында экология тұрғыдан сұрыпталған өнімдерден тағамдар дайындалады.