Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
Тексерушілерге нұсқаулықты оқу үшін оң жақтағы көрсет дегенді басыңыз.
Мақала тексерушілерге: мақаланы тексерілді деп белгілеу үшін бұл үлгіні алып тастаңыз. Мақаланы тіркелгеніне 6 ай болған, 500 өңдеме жасаған барлық қатысушылар және осы екі шарттың біреуін болсада қанағаттандыратын қатысушылар тексерілді деп белгілей алады. 2015 жылдың шілдесінен бергі тексерілмеген мақалалар мына санатта тізімделеді: Санат:Уикипедия:Тексерілмеген мақалалар. Осы айдағы тексерілмеген мақалалар санатын бастау.
«Облыстық Тарихи-Өлкетану Мұражайы»–облыстағы көне мәдени – ағарту мекемелерінің бірі.Мұражай 1920 жылы құрылды және мұражай ғимараты 1904 жылы салынған тарихи сәулет ескерткіші болып табылатын ғимаратта орналасқан. Мұражай қорларында 71 195 экспонат бар. Олардың арасында өлкенің көне және қазіргі тарихын, Ақмола облысын мекендеген халықтардың этнографиясы мен тұрмысын көрсеткен материалдық және рухани мәдениет ескерткіштері, табиғи-ғылыми топтамалар, фотодеректі материал бар. Мұражайда жеті экспозициялық зал бар. Осында экспонаттар жайында мәліметті көрсететін сенсорлық құрылғылар орнатылған. Экспозициялар Ақмола облысының тарихын көне заманнан бастап қазірге дейінгі бейнесін көрсетеді.
Мұражайдағы ерекше мәртебеге ие болатын зал «Абылай ханның әлемі» деп аталады, осында оның Солтүстік Қазақстан аумағында болғаны жайындағы тарих баяндалған. Хан жорыққа өзімен бірге алып жүрген, қайта қалпына келтірілген бүктемелі домбырасы, қытай патшасына жазған, қайта қалпына келтірілген хаттар, қытайлық құмыралар бар.
Мұражайда экспонаттарды жинау бойынша белсенді жұмыс атқарылып жатыр, археологиялық, топонимикалық, этнографиялық экспедициялар ұйымдастырылады. Мұражай экспозициясы – бұл ежелгі дәуірден қазіргі заманға дейінгі өлкеміздің кішкентай энциклопедиясы болып табылады. Мұражай қызметкерлері белсенді ғылыми және ағартушылық жұмысты атқарып жүр, мұражайдың негізінде «Қазақстан тарихындағы мемлекеттілік рәміздері»; «Қала мен жылдар»; «Көшпенділердің қаруы мен әскери ісі»; «Уақыт пен ақша» (мұражай қорларынан алынған тиындар топтамасы); «Ескі сарайда табылған заттар»; «Шоқан Уәлиханов»; «Облысты мекендеген халықтың этнографиясы мен тұрмысы»; «Құстар – біздің досымыз»; «Жер бетінде өмірдің пайда болуы» тақырыптары бойынша лекциялар мен жылжымалы көрмелер, ВВС сериясынан алынған фильмдерді көрсетумен бірге өлке палеонтологиясы жайындағы әңгіме циклі үнемі өткізіледі.