Ақсуат халық аспаптар оркестрі

Ақсуат халық аспаптар оркестрі - әуесқой халық оркестрі. 1973 ж. Шығыс Қазақстан облысы, Ақсуат ауданы Мәдениет үйінің жанынан жергілікті музыка әуесқойларының күшімен ұлттық аспаптар оркестрі болып үйымдасты. 1976 ж. ұжымға халық оркестрі атағы берілді. Оркестрдін көркемдік жетекш. әрі дирижері Р.Ноғайбаев. Оркестр құрамында респ. байқаудың лауреаттары К.Нүрмағанбетова мен Н.Сапқанбаев сынды әуесқой әншілер болды. Оркестр репертуарында Құрманғазының "Сарыарқасы", "Балбырауыны", Түркештің "Көңіл ашары", Н.Тілендиевтің "Көш керуені" мен "Ата толғауы", Т.Момбековтің "Бозінгені", сондайак И.Штраустың "Парсы маршы", И.Брамстың "Венгр биі", П.И. Чайковскийдің "Неаполитан әні" сияқты классик. туындылары тұрақты орын алды. 1984 ж. Ақсуат халық аспаптар оркестрі Алматы қаласында өнер көрсетті. Бүкілодақтық фестивальдың дипломанты, 1984 ж. Республикалық байқаудың лауреаты атанды.