Ақтоғай ажары

«Ақтоғай ажары» — Ақтоғай аудандық газеті. 1938 жылы тамыздың 15 жұлдызынан бастап жарық көрді. Ең алғаш «Қызыл ту» деген атпен латын қарпімен шықты. 1963 жылдан «Арқа еңбеккері», 1998 жылдан «Тоқырауын тынысы» атымен шығып келді. Газеттің тұракты түрде қыз-келіншектерге арналған «Сұлушаш», «Экономикалық бет», «Ақтоғайдың арысы», шығармашылыққа арналған «Поэзия», «Әдебиет», «Сенбілік бет» және «Денсаулық» беттері шығып тұрады. «Ауыл ажары», «Ауылын көріп, азаматын таны», «Жақсының жақсылығын айт», «Мектеп мәртебесі — ұстаздар», «Нарық жөне халық», «Кәсіпкерлікке өріс кең», «Әкім бол, халыққа жақын бол», «Атамұра», «Өлең өлкесінде» атты тұрақты айдарлар бар. Газетке әр жылдары Е. Төженов, Р. Сүлейменов, Қ Қаленов, Т. Бишаев, С. Ыбыраев, К. Ағеділов, М. Жарылғапов, С. Аксұңқарұлы, Қ. Орынбетов, Б. Әбеуов, С. Мұқтарбеков, О. Жүнісов, Р. Мәмбетов, М. Жармағанбетов, Н. Ақбаева т. б. журналистер қызмет етті. Редакторы Қ. Ештаңаев (2006).