Ақтөбекүйік-3

Ақтөбекүйік-3 - ежелгі қоныс. Қоғам аулынан солтүстікке қарай 13 км жерде. 1970 жылы Отырар археологиялық экспедициясы (жетекші К.Ақышев) зерттеген. Қалашық цитадель, шахристан және рабад болып бөлінеді. Цитадель дөңгелек келген, диаметрі 50 м, биіктігі 5 м төбе. Ол шахристанның батыс бөлігінде орналасқан. Цитадель қабырғалары тік, жоғары бөлігінің диаметрі 35 метр Шахристан сопақша келген төбе, биіктігі 3—3,5 метр Қалашыққа кірер түс оңтүстік жақтан болған сияқты. Шахристаннан шығысқа карай дөңгелек келген, диаметрі 120 м, биіктігі 1,5 м рабад орналасқан. Барлық жағынан бұл қоныс ормен қоршалды. Ордың ені 10—15 м бөліктері сақталған. Жинастырылған заттар (хум, құмыра, саптаяқ, т.б.) Пұшықмардан, Ақайтөбе мен Қостөбе (оңтүстік) материалдарына ұқсас. Оларға қарағанда қонысты халық 1—8 ғасырлар аралығында мекендеп, егін егумен жөне мал өсірумен айналысқан.