Аққорған-Ӏ

Аққорған-Ӏ — ортағасырлық қалашық-қамал орны. Көксарай аулынан оңтүстік-батысқа қарай 25 км жерде. Отырар мемлекеттік археологиялық қорық-музейінің 1993 жылы барлау жұмыстары кезінде (С.Ахмет, м.Қожа) табылды. Бұрыштары әлемнің торт тарапына қараған бұл ескерткіш аумағы 340х340х330х 320 м. Қабырғаларының қазіргі биіктігі 1,3—3 м. Бұрыштарындағы төрт мұнараны санамағанда, шығыс және батыс қабырғаларында 7, оңтүстік қабырғада 8 мұнара орны бар. Қорған қақпа орны солтүстік қабырға ортасында. Бұл қалашық "төрткөл" типтес қалашықтарға, қамалдарға жақын. Алынған материалдар қалашықты халық 10—14 ғасырларда мекендегенін аңғартады.