Ақ қаңбақ

Уикипедия — ашық энциклопедиясынан алынған мәлімет
Jump to navigation Jump to search
Ақ қаңбақ

Ақ қаңбақ(Gypsophila paniculata) — қалампыр тұқымдасына жататын көпжылдық шөптесін өсімдік. Биіктігі 20— 100 см. Тамыры жуан, тік бұтақтанған дара, кейде бірнеше сабағы түзу болып келеді. Майда ақ, шоғырланған гүлдері сыпырткы тәрізденіп бытыраңқы орналасқан. Маусым—шілде айларында гүлдейді. Қазақстанның құмды далаларында, өзен жағаларында, тақырланған жерлерде өседі. 1 га жерден 40— 50 ц пішен алынады. Тамырында мал дәрігерлері және денсаулық сақтау мекемелері пайдаланатын 30% жуық сапонинал- калойды бар. Тамыр ұнтағы жүн жууға, сабын, шампун өндіру өнеркөсібіне қолданылады. Шөбінің тұнбасын бауыр ауруын емдеуге пайдаланады.[1]

Дереккөздер[өңдеу]

  1. Отырар. Энциклопедия. – Алматы. «Арыс» баспасы, 2005 ISBN 9965-17-272-2