Бабыр бағы ескерткіші

Уикипедия — ашық энциклопедиясынан алынған мәлімет
Jump to navigation Jump to search
Бабыр бағы

БАБЫР БАҒЫ, “Баги-и Бабыр” — ортағасырлық бағбандық өнерінің ескерткіші.


Захир әд-Дин Мұхаммед Бабыр отырғызған бұл бақ әлемдегі қасиетті орындардың бірі. Бақ Кабул қаласыныңтеріскейінде, Шердарбаза тауының Оңтүстік баурайына, тастақ қияға орналасқан. Жалпы аумағы 14 га. Айналасы саз кесекпен және қыш дуалдармен қоршалған. Дуал қабырғаларының үстіңгі жағы тіс тәрізді безендіріліп, кіреберіс арка пішінінде салынған. Баққа алып баратын дәліздің кірер аузы етектегі Гузоргох (көшелі, базарлы, шайханалы Жер дегенді білдіреді) сайын жанамалай өтетін жолдан басталады. Бақ тепкішек түріндегі 15 текше алаңнан тұрады. Арық сулары тепкішектерден асып, төменге құйылады. Орта тұсында үш фонтан бар. Бақ құлама арықтармен суғарылады. Шомылуға арналған хауыз да сол қалпында сақталған. Ең жоғарғы текше алаңдардың бірінде үш түп зәулім шынар ағаш өсіп тұр. Аңыз бойынша оларды Бабыр өз қолымен отырғызған.[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том