Байсейіт Қансейітұлы Түймебаев

Байсейіт Қансейітұлы Түймебаев - 1956 жылы 17 ақпанда Түркістан облысы Алғабас ауданының Қайнар ауылында туған. Қазақ. Әкесі - Түймебаев Қансейіт, зейнеткер, ОҚО Алғабас және Созақ аудандарының партия ұйымдарында хатшы болып жұмыс істеген. Анасы - Түймебаева Ұлмекен Жаманқұлқызы, зейнеткер. Қазақ химия-технология институтын (1979) инженер-механик мамандығы бойынша; Қазақ мемлекеттік басқару академиясын (1997) экономист мамандығы бойынша; Көкшетау мемлекеттік университетін (2007) саясаттанушы мамандығы бойынша бітірген. Қазақ және орыс тілдерін біледі.

• 1974 жылдан - Шымкент телеграф-телефон стансасының 4-ші сыныпты монтері.
• 1976 жылдан - Қазақ химия-технология институтының студенті.
• 1979 жылдан – Шевченко қаласындағы пластмасса зауытының инженері, шебері, аға инженері.
• 1987 жылдың қаңтарынан - Маңғышлақ облыстық атқару комитетінің референті.
• 1987 жылдың қазанынан - Маңғышлақ облыстық атқару комитеті бас өндірістік-экономикалық басқармасының тұрғын үй-коммуналдық шаруашылығы құрылыс басқармасының жетекші маманы.
• 1988 жылдан - Маңғышлақ облыстық атқару комитеті тұрғын-коммуналдық шаруашылығының материалдық-техникалық жабдықтау бөлімінің бастығы.
• 1989 жылдың ақпанынан - «Қаражанбастерммұнай» сынақтық-тәжірибелік мұнай өндіру басқармасының тұрғын үй-пайдалану учаскесінің бастығы.
• 1989 жылдың қазанынан - Шымкент облыстық атқару комитеті төрағасының көмекшісі,
• 1990 жылдан - төраға орынбасарының экономикалық кеңесшісі, 1991 жылдан - төрағаның бірінші орынбасарының көмекшісі.
• 1992 жылдың сәуірінен – Шымкент облыстық әкімшілігі басшысы аппаратында өнеркәсіп, энергетика, көлік және байланыс бөлімінің жетекші маманы.
• 1992 жылдың қазанынан - Шымкент облыстық әкімшілігі басшысы орынбасарының аға референті.
• 1996 жылдан - ОҚО әкімі аппараты экономика және нарықтық қатынастар бөлімінің бас маманы.
• 1999 жылдың ақпанынан - ОҚО әкімі орынбасарының аға референті. 1999 жылдың желтоқсанынан - ОҚО бойынша ҚР Табиғи монополияларды реттеу, бәсекені қорғау және шағын бизнесті қолдау жөніндегі агенттігі Департаментінің кәсіпкерлік орта мониторингі бөлімінің бастығы, 2001 жылдан - тұтынушылар мен кәсіпкерлердің құқықтарын қорғау бөлімінің бастығы. 2002 жылдан - ОҚО бойынша ҚР Табиғи монополияларды реттеу және бәсекені қорғау жөніндегі агенттігі Департаменті директорының м.а., директоры.
• 2004 жылдан - ОҚО бойынша ҚР Табиғи монополияларды реттеу жөніндегі агенттігі Департаментінің директоры.
• 2005 жылдан - ОҚО бойынша ҚР табиғи монополияларды реттеу жөніндегі агенттігі Басқармасының директоры.
• 2007 жылдан - ОҚО Бәйдібек ауданының әкімі.
• 2008 жылдың қаңтарынан - ОҚО бойынша Табиғи монополияларды реттеу жөніндегі агенттігінің аймақаралық инспекциясының директоры.
• 2008 жылдың тамызынан бері - Алматы облысы бойынша ҚР Табиғи монополияларды реттеу жөніндегі агенттігі Департаментінің директоры. «Қазақстан Конституциясына 10 жыл» медалімен (2005) марапатталған. ҚР Президентінің Алғыс хатымен (2001) ескерілген.

Әскери атағы - капитан.

Үйленген. Жұбайы - Жүсібекова Гүлнәр Мейірбекқызы, Талдықорған қалалық жұқпалы аурулар ауруханасының дәрігері. Қызы - Қансейіт Ақмарал Байсейітқызы (1983 жылы туған); Ұлдары - Қансейіт Сүлтанберді Байсейітұлы (1987 жылы туған), Қансейіт Нұрсан Байсейітұлы (1989 жылы туған).