Байтұрсынұлы атындағы көше (Алматы)

Уикипедия — ашық энциклопедиясынан алынған мәлімет
Jump to navigation Jump to search
41-60-20.jpg

Байтұрсынұлы атындағы көше (Алматы)

Көшеге Алаш партиясы көшбасшыларының бірі, белгілі түркітанушы, реформатор ғалым, қазақ тілі білімі, әдебиеттану және қазақ тілін оқыту әдістемесі ғылымдарының негізін салған зерттеуші, қоғам қайраткері, сталиндік репрессияның құрбаны Ахмет Байтұрсынұлының есімі (Алматы қаласы әкімінің 18.04.1993 Ма 78 шешімі) берілді. Ахмет Байтұрсынұлы (1873-1938) Торғай уезінің Тосын болысында дүниеге келген. Ол халық ағарту, қоғамдық-саяси бағыттағы қызметтер атқарған. Қазақстандағы Алашорда партиясының жетекшілерінің бірі болған. 1913 жылы Орынборда қазақтың көрнекті қайраткерлерін топтастырыл, ұлттық-қоғамдық-саяси және ғылыми-әдеби басылым «Қазақ» газетін ашқан.

Көше Әуезов, Алмалы, Бостандық аудандарын қиып өтеді. Мақатаев көшесінен басталып, қаланың оңтүстігіндегі таулы аймақтарға дейін созылып жатыр. Бұрынғы атаулары: а)Тараншы; ә)Космонавтар көшесі. Көшенің ұзындығы - 4450 метр.[1]

Дереккөздер[өңдеу | қайнарын өңдеу]

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0