Балластер
Балластер - темір жол жөндегенде немесе қайта салғанда балласт шамасын мөлшерлеуге, жолды көтеруге, қопсытуға және басқа жұмыстарға арналған жұмыс өнімділігі жоғары жол машинасы.
Рельстерді және ені 5 м-ден аспайтын шағын көпірлерді көтергенде электбалластері қолданылады. Оның жұмыстық бөлігі рельсті, көпірді 1 мм-ге дейінгі дәлдікпен орната алады.
Құрамы[өңдеу | қайнарын өңдеу]
Электбалластері
- өзара топсамен жалғасып, тіректік үш арбаға орнатылған 2 фермадан,
- электмагниттік көтергіштен,
- 2 балластерлік рамадан,
- екі жақты әрекетті дозатордан,
- приборлар мен автоматтардан,
- электр стансысынан т.б. тұрады.
Рельс жолын көтеру машинаның жүрісі кезінде рельс үстіне орнатылған электрмагниттік көтергішпен жүзеге асырылады. Машина жылдамдығы балласт жаймалау кезінде 15км/сағ-қа, жол көтергенде 10 км/сағ-қа жетеді. Кейбір Балластерде ластанған құм балласты аршып алып тастайтын, жол бойын қиыршақ тастардан тазартатын жабдықтар болады. ЭлктрБалластердің жаңа түрлері өте ауыр рельстер мен балласт, сондай-ақ темір-бетонды шпалдар салуға арналған[1].
Дереккөздер[өңдеу | қайнарын өңдеу]
- ↑ Қазақ Совет энциклопедиясы/Бас редакторы М.Қ.Қаратаев - Алматы, 1972, 2 том