Бамбук

Бамбук
Bambusa oldhamii
Ғылыми топтастыруы
Дүниесі: Өсімдіктер (unranked) Дара жарнақтылар (unranked) Commelinids Сабы: Poales Тұқымдасы: Poaceae Кіші тұқымдасы: Bambusoideae Тайпасы: Bambuseae Кіші тайпасы: Bambusinae Тегі: Bambusa Schreb.
Үлгілік түрі
Bambusa bambos
түрлері
300 түрі белгілі

Бамбук (лат. Bambusa) – астық тұқымдасына жататын ағаш сабақты өсімдік. Мұның 47 туысы, 200-ден астам түрлері бар. Сабағының сырт түрі қамыстікі тәрізді, іші қуыс, ұзындығы — 40 м, жуандығы —130 сантиметрге дейін барады. КСРО-да Кауказда және Кырымның оңтүстік жағалауында өседі. Бамбук 30-120 жыл тіршілік ете алады. Бамбуктардың шөптекті және сүректі түрлері болады. Шөптектілері өзге астық тұқымдастар тәрізді жылма-жыл, ал жуан діңді бамбуктар тіршілігінің соңында бір-ақ рет гүлдейді.Бамбуктардың дәнегі өзге астық тұқымдастардың жемісінен ерекше-жидекке немесе жаңғаққа ұқсас болады.

БАМБУК (BAMBUSA) жібекшөптер тұқымдасына жатады. Австралия, Азия және Америкада таралған. Өз отанында ол табиғатта өссе, біздің елде тек бөлме өсімдігі ретінде өсіріледі. Оның жасыл және ала жапырақты түрлері бар. Жапырақтары ұзыншақ, сопақтау, ұзындығы шамамен 10-20 см-ге жетеді. Бойының биіктігі 40 см-ден 3,5 метрге дейін болады. Бамбук өмірінде бір рет – 33 жасында ғана гүлдейді екен. Гүлдері ұсақ, сабақ басында жинақталады. Гүлдегеннен кейін бамбук өсуін және өмір сүруін тоқтатады. Әрине, бөлме жағдайында оның гүлдеуі өте қиын. Бамбук жылдам өсетіндіктен жыл сайын оның топырағын ауыстырып, түбегін кеңейтіп тұру керек. Бірақ, бамбукты топыраққа егіп өсіргеннен гөрі, сабағын кесіп суға салып қояды. Фен-шуй ырымдарына сенген жандар оның сабақтарын тақ санда (1,2,3,5,7 сияқты) өсіреді.

Жарығы:

Бамбук жарық жерді ұнатады. Сондықтан оны терезе маңына орналастырған тиімді.

Жылуы:

Жылы және ауасы алмасып тұратын жерде өсіру керек. Қыс кезінде бамбукты 12-16°С температурада ұстаған дұрыс.

Суғарылуы:

Өсу процесі белсенді болатын жаз кезінде молынан суғару керек. Топырағының құрғамауын қадағалаған жөн. Ал, қыста суғаруды азайтады.

Ылғалдылығы:

Ыстыққа төзімді, жиі су бүркудің қажеті жоқ.

Қоректендірілуі:

Көктем мен жаз кездерінде арнайы тыңайтқышпен қоректендіріп тұрады.

Аурулары:

Ауруға көп шалдыға бермейді. Ең бастысы дұрыс күтім жасау керек.

Көбейтілуі:

Түбін бөлу арқылы және қалемшелеп те оңай көбейтіледі.

Сілтемелер

• Гүлстан, өсімдіктер туралы сайт Мұрағатталған 20 ақпанның 2012 жылы.

Дереккөздер

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727

Дереккөздер

• Т. Мұсақұлов, ОРЫСША-ҚАЗАҚША ТҮСІНДІРМЕЛІ БИОЛОГИЯЛЫҚ СӨЗДІК І-том ҚАЗАҚМЕМЛЕКЕТБАСПАСЫ, Алматы — 1959, Редакциясын басқарған: Биология ғылымының докторы профессор Т. Дарқанбаев