Банк операциялары

Банк операциялары — банкілердің қызмет-міндеттерін орындауға бағытталған аяқталған əрекет, іс-қимыл. Олар мынандай түрлерге бөлінеді:

• эмиссиялық-кассалық операциялар;
• есеп айырысу операциялары;
• несиелендіру жөніндегі операциялар;
• бюджеттің кассалық атқарылуы жөніндегі операциялар;
• депозиттік операциялар;
• қор құрау операциялары;
• ақша айналысын реттеу жөніндегі операциялар;
• делдалдық, сенімгерлік, ақыл-кеңес берушілік операциялар.

Банк операциялары арқылы банкілердің несие операциялары мее басқа да активтік операцияларын (сақтауға қаражат тарту, салым қабылдау, банкінің несие алуы, табыс алуы, т.б.) жүргізу үшін өз ресурстарын құрайтын операцияларын "пассивтік операциялар" деп атайды; ал банкінің билігіндегі ресурстарды орналастыру жөніндегі операцияларды (несиелендіру, қаржыландыру, бағалы қағаздарға қаржы салу, т.б.) "активтік операциялар" деп атайды.

Жұмсалатын несие объектісіне қарай Банк операциялары

• вексельдік,
• банк несиесі,
• акцептілік,
• онкольдық несие операцияларына,
• контокоренттік,
• инкассолық операцияларға бөлінеді. Пассивтік операциялар бойынша төленетін пайыз активтік операциялар бойынша төленетін пайыздан төмен, мұның өзі банкінің пайда алуын қамтамасыз етеді.