Банк ресурстары

Уикипедия — ашық энциклопедиясынан алынған мәлімет
Jump to navigation Jump to search

Банк ресурстарыбанктегі кредиттік, т.б. да операциялар жасау үшін пайдаланылатын қаржылар жиынтығы. Банк ресурстарының құрылымы банктердің мамандану бағытымен (Ұлттық банк, коммерциялық банктер, инвестициялық банктер, т.б.) тығыз байланысты. Банк ресурстарына банктердің меншік қаржылары (жарғылық капиталы, резервтік қоры, т.б.) жатады. Оның бәрін банктер табыс табу мақсатына пайдаланады. Банк ресурстарының негізгі көзі — банк клиенттерінің салымы. Салымшыларды тарту үшін банктің жеткілікті көлемде меншік капиталы болуы тиіс. Банк ресурстарының негізгі бөлігі болып табылатын жарғылық капитал акция сату есебінен немесе құрылтайшылар салымы арқылы құралады. Ал, меншік капиталы — оның міндеттемелерінің сомасын шығарып тастағанда қалатын активінің құнына тең болады. Банктің меншік капиталын, яғни активінің құнын есептеу әдісін Ұлттық Банк белгілейді. [1]

Дереккөздер[өңдеу]

  1. Қазақ Энциклопедиясы