Барион

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Барион Декуплеті
Октет барионы

Барион ( гр. βαρύς — Ауыр) - жарты бүтін спинді және протонның массасынан кіші емес массалы элементар бөлшек.[1]

Бариондар (грекше barys — ауыр) — жартылай спині бар және массасы протон массасынан кем болмайтын ауыр элементар бөлшектер тобы. Бариондарға протон және нейтрон, гиперондар, бариондық резонанстар, т.б. бөлшектер жатады. Бариондарға жататын ең жеңіл деген протонның өзі электроннан 1836 есе ауыр. Сондықтан олар “Бариондар” деп аталған. Бариондардың ішіндегі ең орнықтысы — протон (“өмір сүру” уақыты 1031 жыл). Одан басқа Бариондар орнықсыз әрі олар бірте-бірте ыдырау нәтижесінде протонға, т.б. жеңіл бөлшектерге айналады. Нейтрон — еркін күйде орнықсыз, ал атом ядросы ішінде байланысқан күйінде орнықты бөлшек. Бариондар қазіргі барлық белгілі іргелі өзара әсерлесулерге (күшті, электр магниттік, әлсіз және гравитациялық өзара әсерлер) қатысады. Кез келген процесс кезінде Бариондар санының сақталу заңы орындалады (яғни Бариондар мен антибариондар санының айырмасы өзгеріссіз қалады). [2]

Тағы қараныз:[өңдеу]



Пайдаланған әдебиет[өңдеу]

  1. Орысша-қазақша түсіндірме сөздік: Физика / Жалпы редакциясын басқарған э.ғ.д,, профессор Е. Арын – Павлодар: С. Торайғыров атындағы Павлодар мемлекеттік университеті, 2006. ISBN 9965-808-88-0
  2. Қазақ Энциклопедиясы