Барлау торабы

Барлау торабы. Барлау қазындыларының кеңістікте орналасу жүйесі. Таужыныстар мен пайдалы қазба жатындарының астасу ерекшеліктеріне орай, барлау қазындылары бір-біріне қатарластырыла немесе Барлау торабы ұяшаларының бұрыштарына орналастырылады. Қазындыларды орналастырудың соңғы тәсілі толық мағынасындағы Барлау торабы болып табылады. Барлау тораптарының шаршы пішіндес, төртбұрышты, үшбұрышты, ромб пішіндес т.с.с. түрлері болады; ең жиі қолданылатындары — шаршы пішіндес және төртбұрышты барлау тораптары, бұларда барлау қазындылары шаршы пішіндес немесе төртбұрышты шартты ұяшалардың бұрыштарына сәйкес орналастырылады. Сөз болған ұяша ауқымы кенорынның геологиялық-өндірістік түрлеріне, ондағы пайдалы қазба жатындарының кеңістіктегі өзгермелілігіне және кенорынды барлау сатысына тәуелді.