Баспай Шолақұлы Бапин

Уикипедия — ашық энциклопедиясынан алынған мәлімет
Jump to navigation Jump to search
Өмірінің соңғы жылдарын өткізген қала - Үрімші

Баспай (Башпай) Шолақұлы Бапин (1889, Шығыс Түркістан1953, Үрімжі) — Қытай қазақтары арасынан шыққан қайраткер, Шыңжаңдағы Тарбағатай аймағының алғашқы уәлиі (губернаторы).

Қытай үкіметі алдындағы беделін пайдаланып, қазақтар жайлайтын Тарбағатай аймағының әлеуметтік, экономикалық, мәдени дамуы жолында игілікті істер атқарған. Көптеген мектептер ашып, электр стансасын, өндіріс орындарын, Еміл өзенінен көпір (“Баспай көпірі”) салдырған. Уәлилік жалақысын қолына алмай, әр түрлі қоғамдық ұйымдарға аудартып отырған. Отан соғысы кезінде КСРО-ға көмекке 500 атты ер-тұрманымен жіберген (1943).

Қ.Жұмаділовтың “Соңғы көш” романының кейіпкері Жасыбайдың прототипі де осы Баспай.

Марапаттары[өңдеу]

  • ҚХР-ның 1-дәрежелі “Тәуелсіздік” ордені
  • ҚХР-ның “Азаттық” ордені.[1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х