Батиплан

Батиплан немесе су астында буксирленетін камера ( көне грекше: βαθύς — «терең» және лат. planum — «кеңістік») - су астында фотокиноға түсіруде және трал жұмысы мен балық шоғырын бақылауда, су асты зерттеу жұмыстарында пайдаланатын бір кісілік аппарат. Ұзындығы 4,45 м, қанат серпіні 4,3 м, салмағы 2 т-ға жуық.

Батиплан әдетте су бетінде жүзіп жүреді, ал буксирге алып сүйреген кезде гидродинамикалық күш әсерінен суға батады. Руль көмегімен оны белгілі тереңдікте ұстап тұруға болады. Бақылаушы-ұшқыш берік әрі су өткізбеітін корпуста орналасып, Батипланды рульдік тетік көмегімен басқарып отырады. Батиплан 200 м тереңдікке бата алады, бірақ оның жұмыс атқаратын тереңдігі 100 м. Бақылаушы-ұшқыш Батипланда бірнеше сағат бойы бола алады. Корпустың тұмсық бөлігіндежүзу бағытындағы аймақты көріп отыратын 4 иллюминатор орнатылған. Мұнымен қоса Батиплан әрқайсысының қуаты 500вт 5 прожектормен және лып етіп жанатын электр лампасымен жабдықталады. Лампы фотоаппаратпен синхронды түрде байланысады. Батипланарнаулы троспен буксирленеді. Трос сонымен қатар электрэнергиясын жеткізу және сымтетік байланысы қызметін де атқарады.