Батна

Батна – Алжирдің солтүстік-шығысындағы Батна провинциясының астанасы.

Халық саны 375 000 адам (2007 жылғы халық санағы бойынша). Қала Орес аймағында орналасып, жан-жағынан таумен қоршалған. Жергілікті тұрғындардың көпшілігі берберлер. Олар алжир-араб және шавий тілдерінде сөйлейді. Бұл аймақта қала тұрғызып, дамытуды алғаш болып римдіктер бастаған болатын. Батнаға жақын жерде Тимгад және Ламбез атты ежелгі Рим қалалары бар. Кейін 1844 жылы Франция әскері осы жерге әскери мақсатта қолдануға бекініс тұрғызады. Осы бекініс қаланың дамуына негіз болды. 1954 жылы Батнада болған оқиғалар ел ішінде Тәуелсіздік үшін соғыстың басталуына түрткі болды. 2007 жылдың 6 қыркүйегінде Алжир президенті Абдель Әзиз үш күндік іссапарымен қалаға келер алдында қалада лаңкестердің ұйымдастыруымен жарылыс болды. Жарылыс нәтижесінде 15-тен 20-ға дейін адам қаза тапты. Бұл жарылысқа Аль-Кайиданы айыптады.