Бауыржан Махатов

Бауыржан Махатов (1960 жылы туған) – ғалым, медицина ғылымының доктор профессоры. Алматы мемлекеттік медицина институтының фармацевтика факультетін бітірген (1983). 1983–87 жылы сол оқу орнының фармацевтикалық химия кафедрасында ассистент, 1986 ж. Львов мемлекеттік медицина институтында өз бетінше ізденуші, 1987–1990 жылдары И.М. Сеченов атындағы Мәскеу медицина академиясында аспирант болды. 1990 жылдан Оңтүстік Қазақстан мемлекеттік медицина академиясында жұмыс істейді. 1992 жылдан аға оқытушы, 1995 жылдан фармакология факультетінің деканы, 1997 жылдан коммерциялық топтағы студенттер деканы, 1998 жылдан халықаралық және экономикалық қатынастар жөніндегі проректоры, 2000 жылдан кафедра меңгерушісі. 70-тен астам ғылыми мақалалары, 3 монографиясы, 6 авторлық куәлігі, әдістемелік құралдары мен ғылыми-зерттеулерге патенттері бар. Денсаулық сақтау ісінің үздігі, ҚР Құрмет грамотасымен марапатталған. ^[1] ^[2]