Баянауыл үңгірі

Уикипедия — ашық энциклопедиясынан алынған мәлімет
Jump to navigation Jump to search

Баянауыл үңгіріПавлодар облысындағы Баянауыл тауының батыс жақ сілемі Аққарағай тауының күнбатыс етегіндегі үңгір. Баянауыл ауылының солтүстік-шығысында, 17 км жерде орналасқан. Жергілікті тұрғындар оны “Әулиетас” немесе “Қоңырәулие” деп те атайды. Халық кие тұтып, басына түнейді. Үңгір тектоникалық жік түсуден, гранит тасына табиғи сыртқы күштердің (жел, күннің қызуы, су шаю, т.б.) әсерінен пайда болған. Ендік бағытта созылған үңгірдің ұзындығы 30 м, ені 2,5 м, биіктігі 1,8-2,0 м, кіреберісі кеңдеу де, түбіне қарай біртіндеп тарылып, тастағы жарықшақтардан енген судан түзілген көлшікпен бітеді. Үңгірдің табаны тегіс, бүйірі қуыс-қуыс және тепкішекті. Суының шипалық қасиеті бар.

Сілтеме[өңдеу]

Қазақ энциклопедиясы