Бақты Айтқұлов

Айтқұлов Бақты (1930 жылы туған, Атырау облысы, Жылыой ауданы, Қаратон кенті) – инженер-электрик. Алматы ауыл шаруашылық институтын (қазіргі ҚазҰАУ) бітірген (1955). 1957 – 62 жылдары Қамыскөл электр стансасында инженер, 1962 – 63 жылдары Жылыой ауданы парткомында нұсқаушы, 1963 – 64 жылдары «Қазақстан» кеңшарында бас инженер, 1966 – 69 жылдары Гурьев облысы партком аппаратында нұсқаушы, 1969 – 74 жылдары Жаңаөзен ауданы атқару комитеті төрағасының бірінші орынбасары, «Маңғыстаумұнайгаз» өндіру басқармасы бастығының орынбасары, 1979 – 87 жылдары «Өзенқұрылысжөндеу» басқармасының басшысы, 1987 – 97 жылдары «Маңғыстаумұнайгаз» бірлестігінің құрылыс-монтаждау тресі бастығының орынбасары, Қазақстан – Ресей – Тәжікстан бірлескен «Нефтяник» бірлестігі бас директорының орынбасары қызметтерін атқарды. «В.И. Лениннің туғанына 100 жыл» медалімен марапатталған.