Бекен Имаханов

Бекен Имаханов
Жалпы мағлұмат
Туған күні	20 қараша 1936 (1936-11-20) (86 жас)
Туған жері	Семей облысы [[|Абай ауданы (Абай облысы)|Абай ауданы]]
Азаматтығы	КСРО Қазақ КСР  Қазақстан
Мамандығы	актер
Белсенді жылдары	1959 жыл - осы уақыт
Бағыты	музыкалық драма
Марапаттары

Бекен Имаханов (1936 жылы 20 қарашада Семей облысы, Абай ауданында туған) — актер. Қазақ КСР халық артисі (1981). Абай атындағы қазақ музыкалық драма театрының актері. Семей қаласының Құрметті азаматы.

Өмірбаяны

• Бекен Имаханов 1936 жылы 20 қарашада Семей облысы, Абай ауданында дүниеге келген.
• 1955 - 1959 жыладры Қазақ ұлттық консерваториясының актерлік факультетін бітірген.
• 1959 жылдан Абай атындағы қазақ музыкалық драма театрының сахнасында өнер көрсетеді.

Ойнаған рольдері

• Тұңғыш ойнаған рөлі – Ғ.Мүсіреповтың “Қозы Көрпеш – Баян сұлу” спектакліндегі Қодар.
• Сахнада Ақан, Бекежан (Мүсіреповтың “Ақан сері – Ақтоқтысы” мен “Қыз Жібегінде”), Абай (М.Әуезов пен Л.С. Соболевтің осы аттас трагедиясында), Қобыланды, Кебек (Әуезовтің “Қара қыпшақ Қобыландысы” мен “Еңлік – Кебегінде”), Бауыржан Момышұлы (А.А. Бектің “Волоколам тас жолы” повесі бойынша қойылған спектакльде), Дуанбасы (Н.В. Гогольдің “Ревизорында”), Танат (М.Сәрсекеевтің “Жарылысында”), Құрманғазы (М.Ибраевтың “Кісен ашқанында”), Құрбан (Қ.Мұхамеджановтың “Жат еліндесінде”), т.б. басты тұлғаларды өзіндік өрнекпен мүсіндеді.
• Актер 1971– 72 жылғы театр маусымында Қазақ драма театрына арнайы шақырылып, бірнеше спектакльге (Д.Файзидің “Башмағымында” Тыңшы рөлі, т.б.) қатысып ойнады.
• “Шәкерімнің соңғы күзі” атты толық метражды түрлі-түсті фильмде Шәкерім бейнесін жасады.

Марапаттары

• 1969 жылы Қазақ КСР Еңбегі сіңген артисі
• 1970 жылы "Қажырлы еңбегі үшін Лениннің туғанына 100 жылә медалі
• 1981 жылы Қазақ КСР халық артисі құрметті атағы берілді.
• КСРОның Еңбек ардагері медалі
• Тәуелсіз Қазақстанның "Ерен еңбегі үшін" медалімен марапатталған.
• Семей қаласының құрметті азаматы атағының иегері.
• 2015 жылы "Ұлы отан соғысна 70 жыл" медалі.