Береке ААҚ

«Береке» ААҚ - сүт тағамдарын, шұжықтар, макарон және кондитер түрлерін, спиртті ішімдіктер, сондай-ақ дәрі-дәрмектер өндіретін кәсіпорын. Оның тарихы 1931 ж. Орал қаласында құрылған «Союз-молоко» тресінен басталады. 1951 ж. «Орал қалалық сүт зауыты» («Гормолзавод») деп аталды. 1993 ж. «Береке» акционерлік қоғамы, 1997 жылдан «Береке» ашық акционерлік қоғамы. Көсіпорын облыс орталығындағы Космос көшесіндегі 9-шы үйге орналасқан. Аппарат, шұжық, балмұздақ жасау, балық қалбырлау, кондитер тағамдары, арақ-шарап, т.б. цехтары жұмыс істейді. Әлеуметтік-мәдени обектілері: 20 шақты фирмалық дүкендері, балабақшасы, жатақханасы бар. Қазіргі кезде мұнда 600 адам еңбек етеді.