Биосаясат

Уикипедия — ашық энциклопедиясынан алынған мәлімет
Jump to navigation Jump to search
Платон

Биосаясатсаясаттану ғылымының бір саласы. Ол адамның саяси іс-әрекеттеріне баға беру үшін биология ғылымының мәліметтерін, ұғымдары мен әдістерін пайдаланады. Биосаяси факторларға ежелгі грек ойшылдары Платон, Аристотель ерекше мән беріп, саяси өмірге биологиялық жәйттер тікелей әсер етеді, яки “кейбір адамдар — жаратылысынан құлдар” деп пайымдаған. Кейін осы идеяны Никколо Макиавелли, Т. Гоббс, Джон Локк дамытқан. П.Корнин, Р.Мастерс, П.Майер, З.Фрейд, т.б. ғалымдар да ұстанды.

Аристотель

Биосаясат әлеуметтік және саяси белсенділіктің барлық түрі жеке адамның генетикалық ерекшеліктеріне байланысты айқындалады деп санайды. Яғни саяси өмірдегі басқыншылық, зорлық-зомбылық жасау, мінез-құлықты үйлестіру, т.с.с. құбылыстардың себебін осы тұрғыдан түсіндіреді. Осы көзқарасты жақтаушылардың айтуынша, топ бастап, ел басқаратын адамның денсаулығы жақсы, күш-қайраты кемел, жігері мол, өң-келбеті келісті, т.с.с. болуға тиіс. Олар адамзат қоғамындағы белгілі тұлғаларды сипаттаған кезде осы нышандарды негізге алады. Биосаясат теориясы бойынша жалпы биология заңдылықтарға сүйенгенде ғана адамдардың саяси іс-әрекеттерін терең де толық зерттеу мүмкін болмақ.[1]

Дереккөздер[өңдеу]

  1. Саяси түсіндірме сөздік. – Алматы, 2007. ISBN 9965-32-491-3