Бодх-Гая

Уикипедия — ашық энциклопедиясынан алынған мәлімет
Jump to navigation Jump to search
Махабодхи храмы

Бодх-Гая - Үндістанның солтүстік-шығысындағы Бихар штатының орталық бөлігінде орналасқан шағын қала. Буддизмнің дүниеге келген жері. Бұл шағын қаланың тарихы б.з.д. VI ғасырдан бастап Будда есімімен тығыз байланысты.

Ол кезде Будда Гаутама есімімен танымал ханзада болатын. Ежелгі жазбалар мен аңыздарға сәйкес, дәл осы жерде, Бодха ағашының түбінде Сиддхарта Гаутама ханзада пендешіліктен бас тартып, рухани кемелдікке және нирванаға жетіп, буддизм дінінің негізін қалаған.

Бодх ағашы

Осыдан кейін Гаутама Буддаға айналады және өзінің махаббат пен бейбітшілікке бағытталатын ағымын насихаттаумен айналысады. Будданың кемелдікке жеткен жерін есте қалдыру мақсатында ұлы император Ашока осы жерде б.з.д. III ғасырда ғибадатхана тұрғызды. Ашокадан кейінгі билеушілер - махараджалар де осы ғибадатханада өз қолтаңбаларын қалдырған. Осылайша Махабодхи деп аталатын қазіргі орасан үлкен ғибадатхана пайда болды.

Бодх-Гаяның басты көрнекті орындары - Махабодхи ғибадатханасы мен Бодхи ағашы. Бүгінде Бодх-Гаяда өсіп түрған ағаш сол ежелгі заманда Гаутама ханзада түбінде отырып Буддаға айналғаң яғни кемелдікке жеткен ағаштың тікелей «ұрпағы» саналады. Бодх-Гая - буддизм дінін ұстанушылардың ең қасиетті мекені болып саналады. 1953 жылдан бастап Бодх-Гая буддистер зиярат етуге келетін орынға айналған. Бұл жерге келген кез келген адам өзін толғандырған сурақтарға жауап тауып, нағыз рухани кемелдікке жете алады деген сенім бар.

Махабодхи ғибадатханасының айналасында Бодх ағаштары өсіп тұр. Махабодхи ғибадатханасында Будданың алтыннан соғылган мүсіні орнатылған.[1]

Дереккөздер[өңдеу]

  1. Алматы: “Аруна” баспасы. 208 бет. Сер.:“1100 қызықты дерек”.