Болжау

Уикипедия — ашық энциклопедиясынан алынған мәлімет
Навигацияға өту Іздеуге өту

Болжау (Әскери істегі) — әскери аумақтағы ықтимал, объективті пісіпжетілген өзгерістерді тану процесі, әскери теория мен практиканың дамуының келешегін аныктау. Кез-келген саладағы сиякты, әскери істе де болжау эмпиризмдік және ғылыми болуы мүмкін. Эмпиризмдік болжау "күнделікті" практикаға, әскери тәжірибеге негізделеді. Әскери істегі ғылыми болжау — бұл қүбылыстардың, оқиғалардың, процестердің тууын, өзгеруін немесе болашағын алдын ала болжау, соғыстың нақты зандарына, оның диалектикалық-материалистік талдауларына негізделген әскери аумақтағы күткен нәтижелерге қол жеткізу жолдары мен кұралдарын анықтау. Болашақты танудың күрделілігі мен көлемділігі ғылыми болжаудың әр түрлі әдістерін: жалпылама әдіс (материалистік диалектика), жалпы ғылыми әдістер (талдау және синтез, абстракциялау және жалпы қорытындылау, индукция және дедукция және болжау), дәл ғылымдар әдістерін (әскери ғылымға штабтық ойындар, оқу-жаттығулар және т.б. тән) қолдануды қажет етеді. Үлгі жасау, сараптық бағалау әдістері, жүйелі жоспарлау, патентті хабарларды талдау және т.б. әдістер болашақты танудың ерекше әдістері болып табылады. болжауды шындыққа айналдыру үшін бірқатар шарттар: болашақты танудың мақсаты, сипаты, мерзімдері және әдістеріне сәйкес бастапқы хабар, болжау объектісі туралы мәліметтер,болжаудың субъектісінің жоғары жалпы және арнайы дайындығы, т.б. болуы және сақталуы керек. болжаудың әскери істегі маңызды бағыты — бұл ең алдымен келешекте басталуы мүмкін әскери қақтығыстардың сипаты мен мәнін анықтау. Әскери істегі болжаудың ерекше формалары: қарулы күрес жүргізу және оның сипаты, оны жүргізу түрлері мен тәсілдері жөнінде белгілі бір көзқарастар көрсетілген әскери доктрина, жарғылар мен ережелер; операциядағы, ұрыстағы шешімдер және командирлер мен әскери бастықтардың бұйрықтары. [1]

Дереккөздер[өңдеу | қайнарын өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл