Борис Борисович Пышкин

Борис Борисович Пышкин (6.8.1930, Орал қаласы - 15.4.1996, сонда) - белгілі журналист. өлкетанушы, Қазақстанның еңбек сіңірген мәдениет қызметкері (1986). Облыс орталығындағы 6-орта мектепті, педагогика училещені, 1953 ж. Орал педагогикалық институтының филология факультетін бітірген. Бастапқы кезде осы оқу орнындағы орыс тілі мен әдебиеті кабинетін басқарып, кейін облысы «Приуралье» газетінің редакциясында қызмет істеді.

Пышкин — тарихи-өлкетану тақырыбына арналған он шақты кітапша мен буклеттің авторы. 1773-74 ж. Пугачев көтерілісінің жай-жапсарын баяндайтын «Бұлғақ күн» («Смута») атты повесть жазды. Сонымен қатар жергілікі ғалым Н.М.Малечамен бірге 4 томдық «Словарь русских говоров среднего и нижнего течения реки Урал» (говоров Уральского казачества)» кітабін құрастырып, «На Яике - городок, на Урале - город» кітабін (Күйбышев, 1987) баспаға әзірлеуге қатысты.