Боэций

БОЭЦИЙ, дәлірек айтқанда Аниций Манлий Северин (480-524) - Теодорих жазалап өлтірген бертінгі Рим философы, неоплатонизмнің формальды өкілі. Іс жүзінде оның философиясына үлкен эклектизм тән болды. Боэций дәл ғылымдарға бейімділік көрсетіп, моральдық көзқарасында стоицизмді байқатты. Боэций Аристотельдің логикалық шығармаларын, сондай-ақ, Порфирийдің "Арестотельдің категориясына кіріспесін" аударды. Сонымен қатар Боэций Евклидті, Никомахтың "Арифметика негіздерін" де тәржімеледі. Ол грек музыкасының мұқият пысықталған теориясына сүйеніп, музыка туралы трактат жазды. Боэцийдің негізгі философиялық шығ.-стоиктік сарындағы "Философиялық жұбаныш". Оның Аристотельден тәржімалаған кейбір аудармалары жалған делініп жүр.