Бронхоэктаз ауруы

Уикипедия — ашық энциклопедиясынан алынған мәлімет
Jump to navigation Jump to search

Бронхоэктаз ауруы - орта және кіші бронх қуыстарының патологиялық кеңейуі және бронхтардың іріңді қабынуымен жүретін полиэтиологиялық ауру.

Грей анатомиясы. Бронхтың алдыңғы жағынан көрінісі

Таралымы.[өңдеу]

Бронхоэктаз ауруы өкпенің барлық созылмалы ауруларының ішінде 12-33% құрайды. Жас балаларда көп кездеседі. Ерлер мен әйелдер арасындағы жиілігі бірдей.

Этиологиясы.[өңдеу]

  • Туа және жүре пайда болған бронх қабырғаларының эластикалық қасиетінің төмендігі.
  • Бронхтардың бітеліп қалуы: бронхтардағы ісіктер, бронхқа бөгде заттың тұрып қалуы..., т.б.
  • Бронхішілік қысымының көтерілуі.
  • Созылмалы өкпе аурулары

Патогенезі.[өңдеу]

Қабыну процесінің салдарынан бронх қабырғылары өзінің эластикалық қасиетін жоғатады және өкпеішілік бронх нервтерінің зақымдалуы мүмкін. Бронх қабырғаларының тонусы жоғалады және созылғыш болады. Жөтел кезінде бронхішілік қысым көтеріліп, бронхтар созылады. Айтылған факторлар бронхоэктаз дамуына әсерін тигізеді.

Жіктелуі.[өңдеу]

Пайда болуына қарай:[өңдеу]

  • Туа пайда болған.
  • Жүре пайда болган.

Ауырлығына қарай:[өңдеу]

  • Жеңіл
  • Орта
  • Ауыр

Клиникасы.[өңдеу]

Астено-вегетативті синдром: жалпы әлсіздік, дене қызуының көтерілуі 38-39, тәбетінің төмендеуі, жүдеу, ұйқысының бұзылуы байқалады.

Өкпеде- жөтел, қан аралас қақырық. Қақырық мөлшері күніне 50-200 мл ауыр дәрежесінде 500мл жетеді. Өршу кезінде көкірегінің ауырсынуы және ентігу байқалады. Бронхоэктаз классикалық белгілеріне қарай саусақтары “Барабан таяқшалары (барабанный палочек)” болады.

Көкірек қуысын объективті қараған кезде, бір бөлігі тыныс алу актісінен қалғанын байқауға болады. Қан анализінде- лейкоцитоз, нейтрофилез, формулалардың солға ығысуы байқалады. ЭТЖ-жоғарылайды. Зәрде белок, цилиндр анықталады.

Диагностикасы.[өңдеу]

  • Рентгенелогиялық зерттеу- рентген айнасында бронхтардың кеңейгенін байқауға болады.
  • Бронхография - нақты диагноз қоюға көмектеседі. Бұл әдісте бронхтарға контраст затты жіберіп, рентген айнасында бронхтардың цилиндр тәрізді, немесе қапшық тәрізді түрін байқауға болады.
  • Бронхоскопия – көмегімен бронхтар ішіне түтік енгізіп көзбен көруге болады.

Диференциалдық диагностикасы[өңдеу]

Бронхоэктазды өкпе абсцессімен, өкпе карциномасымен, бронхтар ісіктерімен және туберкулезбен салыстыруға болады.

Емі.[өңдеу]

  • Тәртіп. (стационарлық)
  • Диета. (жоғары сапалы белокқа бай тағамдар)
  • Концервативті.
  • Концервативті емі тек қана 1-ші дәрежесінде жүргізіледі. Оларға антибиотиктер, қақырық түсіргіш дәрілер, витаминдер қолдануға болады.
Оперативті емі:[өңдеу]

I-II дәрежесі оперативті емге көрсеткіш болып табылады. Операция кезінде зақымдалған сегметтерін алып тастайды. Сегментэктомия, лобэктомия, билобэктомия, пульмонэктомия жасалады.

Дереккөздер:[өңдеу]

1. Самусев Р.П. Атлас анатомии человека / Р.П. Самусев, В.Я. Липченко. — М., 2002. — 704 с.: ил.

2. Бронхи // Малая медицинская энциклопедия (том 1, стр. 265).

3. М. Г. Привес, Н. К. Лысенков, В. И. Бушкович. Анатомия человека — 9-е изд.. — Москва: Медицина, 1985. — С. 275-282. — 110000 экз.