Біртұтас Қазақстан

"Біртұтас Қазақстан"- "Ел өркендейді, теледидар өркендейді" деген ұранмен "Қазақстан" телеарнасы көрермендеріне арнаған республика көлеміндегі Жаңа жылдық (2006) жоба.

Шоуға қатысушылар - Қазақстан дамуына, еліміздің әлемдік деңгейге көтерілуіне, беделін арттыруға үлес қосқан адамдар. Олардың ортасында әйгілі саясатшылар, актерлер, спортшылар, өнер қайраткерлері, бизнес-элита және шоу-бизнес өкілдері бар. Мерекелік эфирде қазақ эстрада жұлдыздарының орындауында өтіп бара жатқан жылдың есте қалған хиттері орындалады.

Жаңа жылдық ерекше көңіл күйді әзіл-оспақ көріністері одан әрі көтере түседі. Бұл кеште ұсынылатын әрбір нөмір артистердің сахналық жарқын орындаушылық ерекшеліктерімен, хореограф, және режиссуралық қойылым көркемдігімен айшықталады. Шоу бағдарламасын "Қазақстан" телеарнасының танымал жүргізушілері жүргізеді. Олар көпшілік алдында теледидар дикторларының қатып қалған қағидаларын жоққа шығарарлықтай күтпеген жаңаша бейнеде шығады.