Бірінші кәсіптік мектеп

Уикипедия — ашық энциклопедиясынан алынған мәлімет
Jump to navigation Jump to search

Бірінші кәсіптік мектепОрал қаласындағы бастауыш кәсіптік білім беретін оқу орны. 1940 ж. 2 қазанда 6 фабрика-зауытқа еңбек резервтерін даярлайтын мектеп (ФЗО) ретінде ашылған. Оның алғашқы түлектері оқу бітірісімен (1941) соғысқа аттанды. Кейінгі жылдары оқу орнының атауы бірнеше рет өзгерді. 1996 ж. ≪1-кәсіптік мектеп≫ деп аталды. Мұнда негізінен байланыс, техника жабдықтарға қызмет көрсету, өнеркәсіп салаларының мамандары, атап айтқанда, жөндеуші-слесарьлар, электр монтерлары, сантехниктер мен радиомеханиктер даярланды. Мектепте сабақ беретін инженер-педагог мамандардың 8-і білім беру ісінің үздігі, 12-сі жоғары білікті оқытушы. Мектеп оқушылары қоғамдық жұмыстарға, спорт секцияларына белсене қатысады. Әсіресе олар қалалық, республика жарыстарда армрестлингтен, футболдан, жеңіл атлетикадан, көпсайыстан, т.б. жыл сайын жүлделі орындар алып жүр.[1]

Дереккөздер[өңдеу]

  1. Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8