Бүйрекаралық аппарат

Бүйрекаралық аппарат немесе бүйрекаралық дене (apparatus interrenalis; лат. inter — аралық; ren — бүйрек) — эмбриондық кезеңде шажырқай түбірінің екі қапталындағы мезодерма спланхнотомының қуыстық эпителийінен (целома эпителийінен) қалыптасып, бүйрекүсті безінің қыртысты затын құрайтын ішкі секреция безі. Бүйрекаралық аппарат — жыныс бездері дамып жетілетін жыныстық буылтықпен бір мезгілде қуыстық спланхнотомнан қалыптасқандықтан, ол бөлетін кортикостероид гормондары химиялық табиғаты жағынан жыныстық стероид гормондарына жақын.