Бұзаубас балық

Уикипедия — ашық энциклопедиясынан алынған мәлімет
(Бұзаубалық бетінен бағытталған)
Мұнда ауысу: шарлау, іздеу
Бұзаубас балық
Rhinogobiops nicholsii
Ғылыми топтастыруы
Дүниесі: Жануарлар
Жамағаты: Хордалылар
Ұлы табы: Сүйекті балықтар
Табы: Actinopterygii
Сабы: Алабұғатәрізділер
Кіші сабы: Gobioidei
Тұқымдасы: Gobiidae
G. Cuvier, 1816

Бұзаубас балық (лат. Gobiidae) – алабұға тәрізділер отрядына жатады. Негізінен тропиктік және субтропиктік белдеулердің суларында тараған. 200-дей туысы, 600-дей түрі белгілі. Дене тұрқы 10 мм-ден 20 – 35 см-ге дейін. Қазақстанда 32 түрі бар, олардың көпшілігі Каспий, Арал теңіздерінде кездеседі. Дене тұрқы 50 см-ден аспайды, көбісі ұсақ. Бұзаубас балықтың құрсақ қанаттары бірігіп, сорғыш қанатқа айналған, кейбірінің арқа және құйрық қанаттарының түбінде қара дақтары болады, бүйірі қысыңқы, көздері басының үстіне жақын, торсылдағы болмайды; 4 – 5 жыл тіршілік етеді. 1 – 4 жылда жыныстық жағынан жетіледі. Көктемде уылдырығын (10 мыңға дейін) су түбіндегі ұяға шашады, оны аталықтары қорғайды. Бұзаубас балықтар негізінен омыртқасыздармен қоректенеді, ішінде жыртқыштары да, планктонмен қоректенетіндері де бар. Қазақстанда 2 түрінің (Каспий жұмырбасы мен құмдауыт) кәсіптік маңызы бар.[1][2]

Дереккөздер[өңдеу]

  1. «Батыс Қазақстан облысы» энциклопедиясы, Алматы, 2002;
  2. Қазақ Энциклопедиясы