Бөкей кеңестерінің съезі

Бөкей кеңестерінің съезі - Бөкей облысының жұмысшы-шаруа, қызыл армия және балықшылар депутаттары кеңестерінің тұңғыш съезі. Съезд 1918 ж. 1-8 мамырда Орда қаласында етті. Оған 169 делегат қатысты. Делегаттардың басым кепшілігі (150-ден астамы) қазақ еңбекшілерінің өкілдері болды. Сьезде Астрахан губ-сы жер комиссариатының «Жерді және малды әлеуметтендіру тәртібі туралы» баяндамасы, қаржы, азық-түлік, әділет, халық ағарту, сауда мәселелері талқыланды. Сонымен қатар шалғай мекендерден келген делегаттардың жергілікті жағдай туралы хабарламалары тындалды. Талқыланған мәселелер бойынша тиісті қарарлар қабылданды, арнаулы комиссия құрылды. Жергілікті кеңестерге еңбекшілердің мүддедеріне не- ғұрлым сай келетін артельдер мен коммуналарды ұйымдастыру міндеті жүктелді. Мал басына салық салу туралы қаулы қабылданды. 5 ірі қара, 10 ұсақ мал ұстағандар бұл салықтан босатылды. Съезд халық ағарту мәселесін талқылап, мектептердің материалдық базасын нығайту және мұғалімдерді курстар арқылы даярлап шығару қажет деп тапты. Сондай-ақ қазақ кеңестік Қызыл армия бөлімдерін құру туралы шешім қабылдады. Съезд құрамында 15 комиссары бар Бөкей облысы кеңесі атқару комитетін, облыстың басшы органдарын және комиссарларын сайлады. Облыстық атқару комитетінің төрағалығына С.П.Милютин сайланды. Астрахан өлкелік кеңестері съезіне делегаттар белгіленді.