Валюталық дағдарыс
Валюта дағдарысы — валюта нарығында қайшылықтың күрт шиеленісуі. Валюта дағдарысы валюта курсының күрт құлдырауымен, елдегі валюта қорының сарқылуымен, валюталардың құнсыздануымен, валютаның халықаралық өтімділігінің нашарлауымен сипатталады. [1]
Қазіргі кездегі валюта дағдарысының өткір сипат алуына халықаралық кредит капиталы нарығының әсері ерекше болып отыр. Мұндай бақылауға көнбейтін ырықсыз нарық пайдалы орын іздеп мол капиталды белгілі бір салаға бағыттай отырып, қысқа мерзімнің ішінде валюталық қарым-қатынасқа елеулі ықпал етеді, тіпті кезкелген елде Валюта дағдарысын туғыза алады. Мысалы, 20 ғ-дың аяғында Оңтүстік-Шығыс Азия елдерінде орын алған қаржы дағдарысы Жапония, Қытай секілді “Азия жолбарыстарының” 1997 ж. қазан — қараша айларында өз валюталарын девальвациялауынан басталды. Ол аз уақытта басқа да аймақтар валютасының құлдырауына әсер етіп, құнды қағаздар нарығын да шарпыды. Азиялық дағдарыстың тууына әсер еткен негізгі факторларға: экономиканың шектен тыс реттелуі, банк секторында күмәнді кредиттердің көбеюі, ел экономикасы мен саясатының коррупцияның ықпалында болуы, т.б. жатады. Нарықтық экономиканың циклдік түрде дамуы барысында дағдарыс қаржы және экономиканың әр түрлі саласында туындаған сәйкессіздікті жоюға бағытталған шара ретінде де қызмет етеді. [1]
Дереккөздер[өңдеу | қайнарын өңдеу]
- ↑ a b «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |