Ванета

Ванета — алхоры сортының бірі. Бұл сортты деген кісі оңтүстік Дакотада (АҚШ) професссоры Ганзен алмалық алхорыны америкалық ірі жемісті алхорымен будандастыру арқылы шығарды. Алматыға 1937 жылы әкелінді. Қазақстанда аз тараған, Венетаның қыс суығына өте төзімді екенін ескере отырып, оны республиканың шығыс аудандарында кеңінен сынау керек және оңтүстік-шығыс облыстарда, яғни бұл сорт қазірдің өзінде аудандастырылған аймақтарда оны өндіріске кеңінен енгізу қажет.

Ванета ағаштары өте тез, отырызылғаннан кейінгі 3-4 жылда жеміс береді. Жемістің орташа салмағы 50-55г. Жемісі күлгіндеу реңі бар күңгірт-қызыл түсті, қабығы дөрекі, тығыз. Жұмсағы ақшыл-сары, шырынды, талшықты, қышқыл-тәтті. Дәмі қанағаттанарлық. Сүйегі (дәні) ұсақ, жұмсағынан айырылмайды.

Өте ерте - сәуір айының екінші он күндігінің аяғы - үшінші он күндігінің басында, ал көктем ерте шыққан жылдары - сәуірдің алғашқы күндерінде-ақ гүл атады. 2-3 жылдық ағаштар ерте, бір жылдық ағаштар кеш гүлдейді. Ванета ағаштары әр жыл сайын 70-85 килограммнан жеміс береді. Жыл сайын осындай мол өнім беріп отыратын болғандықтан, Ванета ағаштарына тиісінше жақсы күтім қажет. Бауды алғаш рет ерте көктемде, наурыз айында суару қажет. Жаз бойы үш рет суарылып, қазан айының соңында топыраққа ылғал беру үшін тағы бір рет мықтап суарылады.

Ванета Алматы облысының төрт аймағында және Жамбыл облысының ауа райы өте қатал жазықтарында өсіріледі.