Василий Георгиевич Клочков

Клочков Василий Георгиевич
Туған күні	8 наурыз 1911 (1911-03-08)
Туған жері	Синодское селосы, Саратов уезді, Саратов губерниясы, Ресей империясы, қазіргі Воскресенское ауданы (Саратов облысы)
Қайтыс болған күні	16 қараша 1941 (1941-11-16) (30 жас)
Қайтыс болған жері	Дубосеково разъезді, Волоколамск ауданы Мәскеу облысы, РСФСР
Мемлекет	КСРО
Қызмет еткен жылдары	1941 жыл
Атағы	политрук
Шайқасы	Ұлы Отан соғысы
Марапаттары

Василий Георгиевич Клочков (8 наурыз 1911 жыл, Ресей, Саратов облысы, Воскресенское ауданы – 16 қараша 1941 жыл, Мәскеу маңы) – Кеңес Одағының Батыры (21.7.1942), жиырма сегіз гвардияшы панфиловшылардың бірі.

Өмірбаяны

Жұмысшы жастар мектебін (1929), КСРО Сауда халкоматының Бүкілодақтық сырттан оқу интитутын бітірген.

1929 – 40 жылдары Ресейдің есеп-қисап мекемелерінде қызмет атқарды. 1940 жылы қыркүйекте Алматыға келіп, Қазақстанның Сауда халкоматында қызмет істеді, Алматы асхана-ресторан тресі басқарушысының орынбасары болды.

1941 жылы маусымда Қызыл Армия қатарына шақырылып, Алматыда жасақталған 316-атқыштар дивизиясы 1075-атқыштар полкінің құрамында ұрысқа қатысты. 4-ротаның саяси жетекшісі Клочков бастаған 2-взвод жауынгерлері Мәскеу түбіндегі Дубосеково разъезі жанында болған кескілескен ұрыста өшпес ерлік көрсетті. Батыр өз жауынгерлерімен бірге жау танкілерімен қасық қаны қалғанша шайқасып, қаһармандықпен қаза тапты.

Марапаттары

2 рет Еңбек Қызыл Ту орденімен марапатталған.

Сілтемелер

Ортаққорда бұған қатысты медиа файлдар бар: Category:Vasily Georgiyevich Klochkov