Василий Данилович Беленко

Уикипедия — ашық энциклопедиясынан алынған мәлімет
Jump to navigation Jump to search

Беленко Василий Данилович (1907, Алматы облысы, Сарқан ауданы Екіаша ауылы - 18.4.1958, сонда) - 2-дүниежүзілік соғысқа қатысушы, бөлімше командирінің орынбасары, гвардия кіші сержанты.

Украина Кеңес әскері қатарына Алматы облысы Сарқант ауданы әскери комиссариатынан шақырылған (9.12. 1941). Ұлы Отан соғысында 92-гвардиялық атқыштар дивизиясының 282-гвардиялық атқыштар полкі құрамында қатысты. Алғаш ұрыс жолын Брянск майданында бастады. Ержүрек пулеметшінің жауынгерлік қасиеттері, әсіресе, Днепрден өткен кезде айрықша байқалды. 1943 жылы 30 қазанда Беленко бір топ жауынгерлермен оң жағалауға өтіп, жау бекінісін басып алды әрі жаудың қарсы шабуылдарын тойтарды. 1943 жылы 4 қазанда Дериев селосы маңында болған 179,9-биіктікті алуда Беленко ерекше ерлік көрсетті. 1943 жылы 17 қазанда 113,7-биіктігіне шабуылда ол дұшпанның траншеясына басып кіріп, гранатамен 28-ден аса жау әскерін, сонымен қатар шегінген дұшпанның тағы 60 әскерін жойды. Днепрден өткен кезде көрсеткен ерлігі үшін КСРО Жоғарғы Кеңесі Төралқасының Жарлығымен Беленкоға Кеңес Одағының Батыры атағы берілді (22.2.1944).

Соғыстан кейін туған ауылына оралды. Покатиловка селосындағы бір көшеге Беленко есімі берілген. Ленин орденімен, бірнеше медальдармен марапатталган.[1]

Дереккөздер[өңдеу]

  1. Айбын. Энциклопедия. / Бас редакторы Б.Ө.Жақып. - Алматы: «Қазақ энциклопедиясы», 2011. ISBN 9965-893-73-Х