Василий Тарасович Моисеенко

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Василий Тарасович Моисеенко (1908, Запорожье - 29.4.1945, Эльба өзені бойы, Майссен қаласы, Летхайн елді мекені) - 2-дүниежүзілік соғысқа қатысушы, станокты пулемет расчетінің командирі, гвардия аға сержанты, украин.

Соғысқа дейін Алматы қаласында тұрған. Кеңес әскері қатарына 1941 жылдың желтоқсанында Сарқант ауданы әскери комиссариатынан шақырылған. 1- Украина майданы 1-гвардиялық атты әскер корпусы 2-гвардиялық атты әскер дивизиясы 7-гвардиялық атты әскер полкі құрамында Ұлы Отан соғысына қатысқан. 1945 жылы 21 сәуірде Ортгранд қаласы (Германия) үшін болған ұрыста оның пулемет расчеті 15 жау атыс ұясын, оқ-дәрі тиелген эшелонды, жаудың 50-ге жуық адамын жойған. 1945 жылы 24 сәуірде Эльбадан өту кезінде пулеметімен жаудың 2 жеңіл автокөлігін, 3 мотоциклін, оқ-дәрі тиелген 3 жүк машинасын талқандап, 5 әскері мен 3 офицерін жойған. Моисеенкоға ерлігі үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.6.1945).

Алматы облысы, Сарқан ауданы, Қарабұлақ ауылы орта мектебіне Моисеенконың есімі берілген.

Ленин, 3-дәрежелі Даңқ, 2-дәрежелі Отан соғысы, «Қызыл Жұлдыз» ордендерімен, Ұлыбританияның Корольдік орденімен, көптеген медальдармен марапатталған.[1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х